Salamo 68:5 - Buki Tabu Lowaenei 1919

⁵ Tamatamagenidi tamadi, ta kwabura ‘idi to loina, Tauna Eaubada ‘ina ‘ebemia tabu ‘enaia.

Salamo 68:5 ပူးပေါင်းရင်းမြစ်များ

Salamo 10:14

Ni‘atu u ‘itena; wasegigi ta nuanuato‘umali u ‘itena ta ‘enega, sabi ‘ewena nimaio ‘enaia: Tauna nigea ‘ana to‐lemamo ‘i tagwarena tauna ‘emuia; ‘Oio pesieda nigea tamadimo ‘idi to‐lema.

Salamo 10:18

Be taudi nigea tamadimo ta taudi si miami to‘umalina ‘u da loinedi, Be ‘enega tai tauna to mia bare‘uia gea‘abo wate ‘i da lodidiga.

Salamo 118:19

Bubuna paruparu ‘ana ‘aubodao ‘u da gigegedi ‘eguia: ‘Edia ia da rugu, ia da lokagutoki Ieoba ‘enaia.

Salamo 146:9

Ieoba to‘u‘umara i ‘ita‘i‘isidi; Tamatamagenidi ta kwabura ‘i gitu‘eiedi; Ta to to‘umalidi ‘idi ‘eda ‘i gibunina.

Salamo 150:6

Iage ‘e bweuna ‘e bweuna maiawasina Ieoba ‘i da tupuna. Ieoba wa da tupuna.

Salamo 33:14

‘Ina ‘ebemia ‘ana esena ‘enega i ‘ita apwesama to mia bare‘u iauiaudi ‘edia;

Salamo 72:2

‘Imu tomota ‘i da loina bubuna paruparunega, Ta ‘imu gomabeso etaraiega.

Salamo 72:4

Tomota ‘idi gomabeso ‘i da loinei, Ta nanaewadi natudiao ‘i da ‘etoseedi, Ta to didiga ‘i da lelewanena.

Si Apwesa 3:15

Ta Eaubada wate ‘i ona Mose ‘ena, Gete nadigega ‘u da ona Iseraela tubunao ‘edia, Ieoba, tamamiao ‘idi Eaubada, Aberaamo ‘ina Eaubada, Isaako ‘ina Eaubada, Iakobo ‘ina Eaubada be, ni‘atu i ‘etuneguma ‘emia: gete ‘agu esana ‘ataia, ta gete ‘agu ‘ebenua‘i‘isi ga epata‐tomota iauiauna.

Isaia 1:23

‘Imu ‘inapwanao si nuapa‘ara, ta to‐anawarao gosediao; iauiauna ‘ebwaeadaitao nuanuadi, ta e‘isao si muria; pesiedao nigea ‘adi etara si gieparuparu, wate kwabura ‘ina iage nigea ‘edia ‘i mai.

Isaia 12:4

Ta asiata gote ‘enega wa da gwae, Ieoba ‘ena wa da ‘awabobo‘ana, ‘ana esana ‘ena wa da bwau, ‘ina guinuao wa da simanedi tomota gamwagamwanidia, wa da ‘inana ‘aene ‘ana esana ‘i miatu‘e.

Isaia 57:15

Tebweuna to mia tu‘e ta to lo‘etana tauna tuta ‘ataia ‘ena ‘i miami, tauna ‘ana esana Tabu, gete nadigega ‘i gwae: ‘abo‘agu esena lo‘etana ta tabu ‘ena ia miami, wate tauna iaruiaruana nua‘ebuni ta nuana ma‘ieana, be taudi si nuana iaruiaruadi ia da giewaiwai, ta taudi si nua‘ebuni ‘atedi ia da giewaiwai.

Isaia 66:1

Gete nadigega Ieoba ‘i gwae, Garewa ‘igu ‘ebemi‐esaesa, ta bare‘u ‘aegu ‘adi ‘ebesa‘u: to anua wa da ‘abi ‘eguia? Ta to esena ‘igu ‘ebeeiawai‘ata?