Salamo 65:13 - Buki Tabu Lowaenei 1919

¹³ Neduiao si maa iobai ‘ediega; Sa‘arao wate si ‘emiabodena witiega; Si bwau eguausoara manuna, wate si wari.

Salamo 65:13 ပူးပေါင်းရင်းမြစ်များ

Salamo 144:13

‘Ena ‘ida anua masura si maa, mari masura ta mari masura si miami; Ta ‘ida sipi tausanao ta teni tausanao si enatunedi ‘ida tanoao ‘edia;

Salamo 72:16

Witi sinabwa wawasae bare‘uia ‘i da miami ‘oea debadia; Uana ‘i da dedera Lebanona ‘atua: Ta taudi to mia ‘asa si da sinabwa ‘atua bare‘u ‘ina nedu.

Isaia 30:23

Ta ‘imu ewana ‘ana ‘usana ‘i da ‘ebwaea, be ‘enega bwa‘a ‘u da dauna; ta bwa‘a ‘ina sinabwa masurina, ta ‘i da iapa ta iauwawasae: asiata gote ‘imu bulomakau si da ‘e‘ai pwatura sinabwadi ‘edia.

Isaia 35:10

Ta Ieoba ‘ina lagwalagwadi si da ‘ilama, ta Siona ‘ena si da mai wariega; ta guausoara mia ‘ataia debadi, ‘edia ‘i da miami: ‘uiawana ta guausoara si da ‘ewa, ta dedoi be eiawasilagalaga si da denawa.

Isaia 44:23

Wa da wari, ‘omi garewao ie, Ieoba ni‘atu ‘i guinuena ta ‘enega; wa da bwau, ‘omi bare‘u ‘ina esenanao lo‘ubuna; ‘Omi ‘oeao, mitawa ie, ta kaiwe iauna ‘ena, wa da pwaila wari ‘enega: Ieoba ni‘atu Iakobo i ‘ewa‐limena ta ‘enega, ta tauna esaesa ‘i da sa‘u Iseraela ‘ena.

Isaia 49:13

Wa da wari, Garewa ie; ta ‘u da guausoara; Bare‘u ie; ta wa da ‘arapwaila wari ‘ena, ‘omi ‘oeao: Ieoba ‘ina tomota ‘i gieguausoaridi ta ‘enega, ta ‘ina to‐elo‘uia ‘edia ‘i da ‘atenua‘ole‘ole.

Isaia 52:9

Guausoara ‘enega wa da weari, wa da wari rererea, ‘omi Ierusalema ‘ina esena waborebore: Ieoba ni‘atu ‘ina tomota ‘adi guausoara ‘i sa‘u ta ‘enega, Ierusalema ni‘atu i ‘ewalimena.

Isaia 55:12

Ma‘imi guausoara wa da apwesawa ta ‘enega, ta si da ‘au‘ewemi guguiega: ‘oea sinabwadi ta ‘oea gidaridi si da weari matamia wariwariega, ta mitawa ‘ina kaiwe iauiauna nimadi si da pwasi.