Salamo 62:2 - Buki Tabu Lowaenei 1919

² Tauna tebweuna ‘igu gurewa ta ‘agu ‘etoseana: Tauna ‘igu anua ‘etosorana; gea‘abo ia da loniu sinabwana.

Salamo 62:2 ပူးပေါင်းရင်းမြစ်များ

Salamo 18:2

Ieoba ‘igu gurewa, ta ‘igu anua‐waiwai, ta ‘igu to‘etoseana; ‘Igu Eaubada, ‘igu gurewa waiwai, ‘ena ia da ‘emisa; ‘Igu lawa, ta ‘igu ‘etoseana kunana, ‘igu anua‐‘ebe‘ita‘i‘ita ‘etosorana.

Salamo 21:1

King ‘i da guausoara ‘imu waiwai ‘ena, Ieoba ie; Ta ‘imu ‘etoseana ‘ena ‘i da uiawana sinabwana!

Salamo 27:1

Ieoba ‘igu ma‘edana ta ‘agu ‘etoseana; iaita ia da matautena? Ieoba iawasigu ‘ina waiwai; iaita manuna ia da ‘atesa‘ara?

Salamo 37:24

‘Abo ‘i bebe‘u, gea‘abo ‘i da be‘ube‘u mwa‘uta wawasae: Ieoba ‘i giiaina nimanega ta ‘enega.

Salamo 37:39

Ta to paruparudi ‘adi ‘etoseana Ieoba ‘enega; Tauna ‘idi ‘ebegiiaina‘i‘ita tuta elo‘uia ‘enaia.

Salamo 59:17

‘Emuia, ‘igu pa‘arina ie, tuputupu ia da wariei: Eaubada ‘igu anua ‘etosorana ta ‘enega, ‘agu nua‘ole‘ole ‘ina Eaubada.

Salamo 59:9

‘Igu waiwai ie, ‘emuia ia da iamwaiamwana: Eaubada ‘igu anua ‘ebe‘ita‘i‘isi ‘etosorana ta ‘enega.

Salamo 62:6

Tauna tebweuna ‘igu gurewa ta ‘agu ‘etoseana: Tauna ‘igu anua ‘etosorana; gea‘abo ia da loniu.

Salamo 89:26

‘Eguia ‘i da bwau, ‘Oio tamagu, ‘Igu Eaubada, ta ‘agu ‘etoseana ‘ina gurewa.

Isaia 26:4

Ieoba ‘ena ‘u da ‘emisa ‘ataia: Ia Ieoba ‘ena gurewa mia‘ataia ‘i miami ta ‘enega.

Isaia 32:2

Ta tai ‘e bweu ‘i da na‘ieana ‘ebekwaia iagilega, ta ‘ebedena wediliega; nadigega boasi‐daudauiao esena iapasina ‘enaia, nadigega gurewa sinabwana iauiaukwana ‘asa ‘ebelo‘ame‘ame ‘enaia.