Salamo 62:1 - Buki Tabu Lowaenei 1919

¹ Iaruiaruagu ‘i mia enonomo Eaubada ‘enaia: Tauna ‘enega ‘agu ‘etoseana ‘i mai.

Salamo 62:1 ပူးပေါင်းရင်းမြစ်များ

Salamo 121:2

‘Igu leme Ieoba ‘enega, Tauna garewa ta bare‘u ‘i mweruruidi.

Salamo 123:2

Wa ‘ita, na‘ieana to guinuao matadi ‘idi ‘inapwana nimana ‘ena si ‘ita, Na‘ieana gomagweine matana ‘ina ilemwaia nimana ‘ena; Na‘ieana matada si ‘ita Ieoba ‘ida Eaubada ‘enaia, Ga tuta ‘enega ‘i da ‘atenua‘ole‘oleieda.

Salamo 25:5

‘Imu ona ‘ai‘aila ‘ena ‘u da ‘au‘ewegu, ta ‘u da e‘itagu; ‘Oio ‘agu ‘etoseana ‘ina Eaubada ta ‘enega; ‘Emuia ia iamwaiamwana asiata maibo‘ana ‘enaia.

Salamo 27:14

Ieoba ‘ena ‘u da iamwaiamwa: ‘U da pa‘ara, be ‘ateio ‘i da nuanua waiwai; Tamo, Ieoba ‘ena ‘u da iamwaiamwana.

Salamo 33:20

Iaruiaruada Ieoba manuna ‘i iamwaiamwana: Tauna ‘ada ‘ebelema ta ‘ada lawa.

Salamo 37:39

Ta to paruparudi ‘adi ‘etoseana Ieoba ‘enega; Tauna ‘idi ‘ebegiiaina‘i‘ita tuta elo‘uia ‘enaia.

Salamo 37:7

Ieoba ‘ena ‘u da miaenono, ta manuna ‘u da iamwaiamwana ma‘anuaeio: Gea‘abo nuaio ‘i da soa tauna ‘i sinabwa ‘ina ‘ebetauia ‘enaia manuna, Tai nina wasegigi geiogeioi ‘i gieapwesenama manuna.

Salamo 39:1

Ia ona, ‘igu ‘edao ia da ‘ita‘i‘isi, Be ‘enega gea‘abo meiaguiega ia da loeloegesi: ‘Awagu ia da ‘ita‘i‘isi ‘ebe‘etoboda ‘enega, Tuta ‘enega to to‘umalina mataguia ‘i miami.

Salamo 40:1

Ia iamwaiamwana ma‘anuaegu Ieoba manuna; Ta ‘eguia ‘i sana‘ilama, ta ‘igu bwau ‘i nonona.

Salamo 62:2

Tauna tebweuna ‘igu gurewa ta ‘agu ‘etoseana: Tauna ‘igu anua ‘etosorana; gea‘abo ia da loniu sinabwana.

Salamo 65:1

Eaubada ie, manuio tuputupu ‘i iamwaiamwa Siona ‘enaia: Ta ‘emuia ona‘upa‘upa si da bubuna.

Salamo 77:1

Eaubada ‘ena ia da bwau ‘enaguiega; Tuga Eaubada ‘enaia ‘enaguiega, ta ‘eguia ‘i da nono.

Isaia 12:2

Wa ‘ita, Eaubada ‘agu ‘etoseana; ia da ‘emisa, ta gea‘abo ia da ‘atesa‘ara; Eaubada Ieoba tauna ‘igu waiwai ta ‘igu wariwari ta ‘enega; ta tauna ni‘atu ‘agu ‘etoseana.

Isaia 30:18

Ta ‘enega Ieoba ‘i da iamwaiamwa, be ‘i da nuabobo‘ana ‘emia, ta ‘enega ‘i da mia tu‘e, be ‘i da nua‘ole‘ole ‘emia: Ieoba loina ‘ina Eaubada ta ‘enega; taudi manuna si iamwaiamwa si bobo‘ana.

Isaia 40:31

Ta taudi Ieoba ‘ena si iamwaiamwa taudi ‘idi pa‘ara si da ‘ewa limena; si da tu‘e pape ‘ediega ‘atua magisubu; si da pili, ta gea‘abo si da lo‘ame‘ame; si da tautauia, ta gea‘abo oodi ‘i da taba.