6 Taudi ‘idi gwegwe ‘ena si ‘emisa, Ta si gagasa ‘idi oesi ‘ana iau manuna;
Ta Amana ‘ina gwegwe ‘adi esaesa ‘i sawedi ta, natunao ‘adi iau ta, iage iauiauna ‘ediega king ‘i gitu‘eiena ta, bubuna nina ‘enega ‘i gitu‘eiena, inapwanao ta to‐guinuao ‘edia ta.
Tetera to‘umalina gea‘abo manuna ‘i da matauta: ‘Atena ‘i mia‘i‘ita, Ieoba ‘ena i ‘emisa.
‘Atena ‘i miapa‘ara, gea‘abo ‘i da matauta, Ga tuta nina ‘ana tarauwarao ‘edia ‘ina nuena ‘i da ‘itena.
Wa ‘ita, gete tai nina nigea Eaubada i ‘ewa‘ewa be ‘ina ‘ebepa‘ara; Ta ‘ina oesi ‘ana iau ‘ena i ‘emisa, Ta ‘ina to‘umalina ‘enega ‘i giewaiwaiena.
Asiata maibo‘ana ‘igu ona si lisi gesi: ‘Idi nuanua iauiauna si miamia mataguia to‘umalina manuna.
‘Aene si da dena bubuna bokobokona ‘enega? Eaubada ie, gamwasoarega tomota ‘u da ‘ula mwa‘utedi.
Giemwau gea‘abo ‘ena wa da ‘emisa, Ta gea‘abo wa da gagasa ‘oae ‘enaia: ‘Abo gwegwe si sinabwa, ‘atemi gea‘abo ‘edia ‘i da abaabara.