Salamo 48:1 - Buki Tabu Lowaenei 1919

¹ Ieoba sinabwana, ta si da tupuna sinabwana, ‘Ida Eaubada ‘ina ‘asa esaesa ‘enaia, ‘ina ‘oea tabu ‘enaia.

Salamo 48:1 ပူးပေါင်းရင်းမြစ်များ

Salamo 145:3

Ieoba tauna ‘i sinabwana, ta sawesawenaia ta da tupuna sinabwana; Ta ‘ana sinabwa ta loba ioge.

Salamo 147:5

‘Ida Inapwana ‘i sinabwana, ta ‘i pa‘ara waiwaiega; ‘Ina sinasinapu nigea ‘ana ‘ebelosaroamo.

Salamo 2:6

Ta ‘igu king ni‘atu ia sa‘una ‘Igu ‘oea tabu Siona ‘enaia.

Salamo 30:1

Ieoba ie, ia da tupuio; ‘u lisi tu‘eiegu ta ‘enega, Ta ‘agu tarauwarao nigea ‘u bubudi be si guausoara ‘etaniguia.

Salamo 42:1

Nadigega kerei boasi daudaudi manudi ‘i eiawasipelapela, Nadigega iaruiaruagu ‘i eiawasipelapela manuio, Eaubada ie.

Salamo 46:1

Eaubada ‘ida ‘ebedena ta ‘ida pa‘arina, Tauna lema ta loba ‘ai‘aila elo‘uia ‘enaia.

Salamo 46:4

‘E bweu boasi ‘i miami, narinao Eaubada ‘ina ‘asa si gieguausoarina, To ‘Etana Sana ‘ina anua‐tabenakeleao ‘idi esena tabu.

Salamo 47:8

Eaubada ‘i loina ‘ebeloinao ‘edia: Eaubada ‘i miatoa ‘ina ‘ebemi esaesa tabu ‘enaia.

Salamo 65:1

Eaubada ie, manuio tuputupu ‘i iamwaiamwa Siona ‘enaia: Ta ‘emuia ona‘upa‘upa si da bubuna.

Salamo 78:68

Ta susu Iuda i ‘ita‘esi‘esinuena, ‘Oea Siona tauna ‘i obobomena.

Salamo 86:10

‘Oio sinabwaio ta ‘enega, ta iage ‘ebenuaowana ‘u guinuedi: ‘Oio Eaubada tebweuio.

Salamo 87:1

‘Ina ‘autui ‘oea ‘e‘etabudi ‘edia ‘i miami.

Salamo 87:3

Iage esaesaiao si ‘ina‘inana manuio, ‘Oio Eaubada ‘ina ‘asa sinabwana. (Sela.)

Salamo 96:4

Ieoba tauna sinabwana ta ‘enega, ta sawesawenaia ta da tupuna wawasae: Tauna ta da matautena sinabwana ta eaboaine iauiaudi gea‘abo.

Salamo 99:9

Ieoba ‘ida Eaubada wa da gitue‘iei, Ta ‘ina ‘oea tabu ‘ena wa da bwagobwago; Ieoba ‘ida Eaubada ‘i tabu ta ‘enega.

Isaia 27:13

Ta gete ‘i da apwesa asiata gote, ioguli sinabwana si da mu‘e; ta taudi ‘i abe si saoora ‘asa Asiria ‘enaia, ta taudi si mia apwesa ‘asa Aigupito ‘enaia, si da mai; ta Ieoba ‘ena si da bwagobwago Ierusalema ‘ina ‘oea tabu ‘enaia.