Salamo 44:2 - Buki Tabu Lowaenei 1919

² ‘Ebeloinao ‘u pa‘idi nimamuiega, ta ‘u asodi soranaia; Tomota ‘adi ‘elo‘uia ‘u sa‘una, ta ‘u lelewanedi.

Salamo 44:2 ပူးပေါင်းရင်းမြစ်များ

Salamo 105:44

‘Ebeloina ‘idi ‘asao i ‘ebwaedi; Ta tomota ‘idi guinua si ‘ewena ‘idi iage:

Salamo 78:55

‘Ebeloinao wate ‘i pa‘idi matadia, Ta i ‘eguiai‘edi ‘ebe‘ewa manuna rabega, Ta Iseraela ‘idi susu ‘i loinedi be ‘idi anua ‘edia si da miami.

Si Apwesa 10:2

Ta ‘aene ‘u da simana natuio me‘olotona tenanaia, ta natuio natuna me‘olotona, iage ni‘atu ia guinuedi Aigupito ‘enaia, ta ‘igu we‘iwe‘iiaia ni‘atu ia guinuedi ‘edia; be ‘enega wa da mwaratoni ‘aene ‘abo‘agu Ieoba.

Si Apwesa 15:17

‘U da ‘au‘ewedima, ta ‘imu esena ‘ina ‘oea ‘ena ‘u da asodi, Esena nina, Ieoba ie, tauna ni‘atu ‘u mweruruina be ‘ena ‘u da mia, Esena tabu, Ieoba ie, tauna nimaio si giepa‘ara.

Si Apwesa 15:19

Parao ‘ina ose si rugu oraia ma‘ina wagalisilisiao ta ma‘ina togeruiao, ta Ieoba ora ‘ina boasi ‘edia ‘i me‘e limedi; ta Iseraela tubunao bwa‘a iadaiadana ‘ena si tauia gamwagamwanega.

Si Apwesa 23:28

Ta gumo ia da ‘etunena matamuia, taudi me Ibite, me Kanania, ta me Eta si da pa‘i iauledi matamuiega.

Si Apwesa 34:11

Iage ‘emuia ia ona batua ‘u da ‘ita: U ‘ita, matamuiega me Amori ia pa‘idi, me Kanania be, me Eta be, me Perisi be, Ibite be, me Iebusi be.

Isaia 51:9

‘U da tooro, ‘u da tooro, waiwai ‘u da ‘otena, Ieoba nimana ie; ‘u da tooro, ‘atua gimi asiatao ‘edia, gimi tutao ‘idi epata‐tomota. Nigea ‘oio nai tauna Raaba i ‘upwa tomwatomwa, tauna waregoa ‘i badi be ‘i sasa‘a?