Salamo 43:4 - Buki Tabu Lowaenei 1919

⁴ Ga ia da tauia Eaubada ‘ina ‘ebetaria ‘enaia, Eaubada ‘igu ‘ebeguausoara ‘ana uiawana ‘enaia: Ta api ‘ena ia da tupuio, Eaubada ie, ‘igu Eaubada.

Salamo 43:4 ပူးပေါင်းရင်းမြစ်များ

Salamo 26:6

Nimagu ia da ‘utuna bubuna ‘esasena ‘enega; Nadigega ‘imu ‘ebetaria ia da sakowasiena, Ieoba ie:

Salamo 33:2

Ieoba ‘ena wa da lokagutoki apiega: ‘Ena wa da wari tuputupu ‘ebegwane ma‘ana marakwa ‘e sanau ‘enega.

Salamo 42:6

‘Igu Eaubada ie, iaruiaruagu ‘i mwau soraguia: Ta ‘enega ia nua‘i‘isimu ‘asa Ioridanega, Ta ‘Erimona ‘ediega, ‘oea gidarina Misara ‘enega.

Salamo 57:8

‘Igu esaesa, ‘u da tooro; ‘u da tooro, ‘ebebinobino‘o ta api: Ia da tooro manini taugumo.

Salamo 57:9

Eaubada ie, ‘emuia ia da lotuputupu, tomota gamwagamwanidia: ‘Emuia ia da warituputupu ‘ebeloina gamwagamwanidia.

Salamo 63:2

Nadigega ni‘atu ia duneduneieio anua tabu ‘enaia, Sabi ‘ita ‘imu waiwai ta ‘imu esaesa.

Salamo 81:2

Salamo wa da ‘ewena, ta binobino‘o wa da me‘ei, Api ‘ana nono bobo‘ana laire ma‘ieana.

Isaia 61:10

Ieoba ‘enega ia da guausoara sinabwana, iaruiaruagu ‘i da guausoara ‘igu Eaubada ‘enega; ni‘atu ‘i e‘otegu ‘etoseana ‘ana ‘oama ‘ediega ta ‘enega, bubuna paruparu ‘ana tara‘apwarega ni‘atu ‘i bodegu, ‘atua toai me‘olotona ‘i eiarina tauna iaiarega, ta ‘atua toai mewainena ‘i eiarina tauna ‘ina oesiega.