Salamo 40:11 - Buki Tabu Lowaenei 1919

¹¹ Ieoba ie, ‘imu nua‘ole‘ole nuana gea‘abo ‘eguia ‘u da egagare: ‘Imu oboboma nua‘ole‘ole ta ‘imu ona ‘ai‘aila si da ‘ita‘i‘isigu ataia.

Salamo 40:11 ပူးပေါင်းရင်းမြစ်များ

Salamo 23:6

‘Ai‘aila bubuna bobo‘ana ta ‘atenua‘ole‘ole si da muriegu iawasigu ‘ana asiata iauiauna ‘ediega: Ta Ieoba ‘ina anua ‘ena ia da mia ‘ataia.

Salamo 43:3

‘Imu ma‘edana ta ‘imu ona‘ai‘aila ‘u da etunenama; taudi si da nuganegu; Si da ‘au‘eweguma ‘imu ‘oea tabu ‘enaia, Ta ‘imu anua‐tabenakele ‘edia.

Salamo 57:3

Garewega ‘i da etunenama, ta ‘i da ‘etoseegu, Tuta enega tauna ‘aene ‘i da tonegu ‘i eliegu; (Sela.) Eaubada ‘ina nua‘ole‘ole ta ‘ina ona ‘ai‘aila ‘i da etunediwa.

Salamo 61:7

Eaubada matanaia ‘i da mia ataia; Nua‘ole‘ole oboboma ta ona ‘ai‘aila ‘u da sa‘u ‘ai‘aili, be ‘enega si da giebobo‘anena.

Salamo 69:13

Ta manugu, ‘igu sidasida ‘emuia, Ieoba ie, tuta bobo‘ana ‘enega: Eaubada ie, ‘imu nua‘ole‘ole ‘ana iau ‘enega, ‘Eguia ‘u da ona limana ‘imu ‘etoseana ‘ina ona ‘ai‘aila ‘enega.

Salamo 69:16

Ieoba ie, ‘eguia ‘u da ona limana; ‘imu oboboma nua‘ole‘ole ‘i bobo‘ana ta ‘enega: ‘Imu nua‘ole‘ole nuadi ‘adi iau na‘ieadi ‘u da sana‘ilama ‘eguia.

Salamo 85:10

Nua‘ole‘ole ta ona ‘ai‘aila si eloba; Bubuna paruparuna ta guguia ni‘atu si e‘awamui.

Salamo 89:2

Ni‘atu ia gwae ta ‘enega, Nua‘ole‘ole si da ‘abi tu‘e ‘ataia; ‘Imu bubuna ‘ai‘aila ‘u da giepa‘arina garewa ‘arena ‘enaia.