Salamo 37:34 - Buki Tabu Lowaenei 1919

³⁴ Ieoba ‘ena ‘u da iamwaiamwana, ta ina ‘eda ‘u da ‘ita‘i‘isi, Ta ‘i da gitu‘eieio be ‘asa ‘u da ‘ewena: ‘Ena to to‘umalidi si ‘upwa‐iauledi, ‘u da ‘itena.

Salamo 37:34 ပူးပေါင်းရင်းမြစ်များ

Salamo 112:8

‘Atena ‘i miapa‘ara, gea‘abo ‘i da matauta, Ga tuta nina ‘ana tarauwarao ‘edia ‘ina nuena ‘i da ‘itena.

Salamo 112:9

Ni‘atu ‘i lelewana, gomabeso ‘edia ni‘atu i ‘ebwaea; ‘Ina bubuna paruparu ‘i mia‘ataia: ‘Ina ioguli ‘i da miatu‘e ‘amaibeiega.

Salamo 25:13

Iaruiaruana ‘i da mia eiawai‘ata; Ta tubunao ‘asa si da ‘ewena ‘idi iage.

Salamo 27:14

Ieoba ‘ena ‘u da iamwaiamwa: ‘U da pa‘ara, be ‘ateio ‘i da nuanua waiwai; Tamo, Ieoba ‘ena ‘u da iamwaiamwana.

Salamo 37:3

Ieoba ‘ena ‘u da ‘emisa, ta bobo‘ana ‘u da guinuei; ‘Asa ‘ena ‘u da miami, ta bubuna ‘ai‘aila ‘u da muriena.

Salamo 37:7

Ieoba ‘ena ‘u da miaenono, ta manuna ‘u da iamwaiamwana ma‘anuaeio: Gea‘abo nuaio ‘i da soa tauna ‘i sinabwa ‘ina ‘ebetauia ‘enaia manuna, Tai nina wasegigi geiogeioi ‘i gieapwesenama manuna.

Salamo 37:9

To guinua to‘umalina si da ‘upwedi ta ‘enega: Ta taudi Ieoba ‘ena si ‘iamwaiamwana, ‘asa si da ‘ewena.

Salamo 91:8

Tuga matamuiega ‘u da ‘ita, Ta to to‘umalidi ‘adi e‘isa ‘u da ‘itena.

Salamo 92:12

To bubu paruparu ‘i da niawana niu ‘atua: ‘I da sinabwa maruana Lebanona ‘ena ‘atua.

Isaia 57:13

‘Ena ‘u dedoi, taudi ‘u egogonedi si da ‘etoseemu: ta iagila ‘i da tauiedi, uweuwenunu ‘i da siieiedi iauiaudi: ta tauna ‘eguia i ‘emisa ‘asa ‘i da ‘ewa, ta ‘igu ‘oea tabu ‘i da ‘ewena.