Salamo 31:2 - Buki Tabu Lowaenei 1919

² Tenaio ‘u da e‘etomwa‘utenama ‘eguia; ‘u da ‘etoseegu manini: ‘Eguia ‘u da egurewa pa‘arina, anua ‘ebelema be i ‘etoseegu.

Salamo 31:2 ပူးပေါင်းရင်းမြစ်များ

Salamo 102:2

‘Igu dedoi ‘ana asiata gea‘abo maniniio ‘u da kwaiena ‘eguiega: Tenaio ‘u da tagwara ‘eguia; Asiata ‘enega ia bwau ‘u da ona limana manini ‘eguia.

Salamo 130:2

‘Inapwana, ‘enagu ‘u da nono: Tenaio si da nono‘i‘isi ‘Igu sidasida ‘enadi ‘enaia.

Salamo 143:7

Ieoba ie, ‘u da lomanini be ‘u da ona limana ‘eguia; iaruiaruagu ‘i abe ‘i mwamwawasa: Maniniio gea‘abo ‘u da e‘etokwaiena ‘eguiega; Nai ‘abo‘agu taudi si mwa‘umwa‘uta gaulaia nadigegami.

Salamo 25:2

‘Igu Eaubada ie, ‘emuia ni‘atu ia ‘emisa, Gea‘abo ‘u da tagwaregu be ia da omaiamaia; Gea‘abo ‘u da tagwara be ‘agu tarauwarao si da ewaiwai ‘eguia.

Salamo 40:17

Ta ‘abo‘agu ia goamabeso ta ia nanaewa; Ta ‘Inapwana ‘i nua‘i‘isigu: ‘Oio ‘agu lema ta ‘agu to‘etoseana; Gea‘abo ‘u so‘iso‘i, ‘Igu Eaubada ie.

Salamo 62:7

‘Agu ‘etoseana ta ‘igu esaesa Eaubada ma‘ieana ta ‘enega: ‘Igu pa‘arina ‘ina gurewa, ta ‘igu ‘ebedena, Eaubada ‘enaia.

Salamo 69:17

Maniniio gea‘abo ‘u da ekwaiena ‘imu ‘ari‘ei ‘enega; ‘Abo‘agu ia miamia to‘umalina; ‘u da ona limana manini ‘eguia.

Salamo 7:2

‘Abona nai iawasigu ‘i sabuna laioni ‘atua, ‘I da sabu lelewanena, tuta ‘enega nigea ‘ebweu ‘i da ‘etoseana.

Salamo 79:1

Eaubada ie, to apwesa ‘imu ‘asa ‘ena si ruguma; ‘Imu anua tabu ni‘atu si giebi‘ina; Ierusalema ni‘atu si sa‘uepopo‘ena.

Salamo 86:1

Ieoba ie, ‘u da sana mwa‘utama, ta ‘eguia ‘u da ona limanama; ‘Abo‘agu ia gomabeso ta nanaewagu ta ‘enega.

Salamo 90:1

Ieoba, ‘Oio ni‘atu ‘ima ‘ebemia Epatatomota iauiauna ‘ediega.

Salamo 91:9

Ieoba ie, ‘Oio ‘igu ‘ebedena ta ‘enega! To Lo ‘Etana Sana ni‘atu ‘u bubuna ‘imu anua;

Salamo 94:22

Ta Ieoba Tauna ni‘atu ‘igu anua ‘ebe‘ita‘i‘isi ‘etosora; Ta ‘igu Eaubada ‘igu ‘ebedena ‘ina gurewa.

Isaia 33:16

Tauna ‘i da mia ‘etanaia: ‘ina ‘ebedena ‘i da gurewao ‘idi anua pa‘ara: ‘ana masura si da ‘ebwaena; ‘ana boasi ‘i da mia ‘ai‘aila.