Salamo 30:5 - Buki Tabu Lowaenei 1919

⁵ ‘Ina gamwasoara tuta matana ‘e bweuna tugama; Iawasida ‘ina nuabobo‘ana ‘enaia: Dedoi ‘i da miami nai boiboi ‘enega, Ta guausoara ‘i da mai gonagonaia.

Salamo 30:5 ပူးပေါင်းရင်းမြစ်များ

Nugana 32:24

Ta Iakobo ‘i miami tebweuna; ta ‘ena ‘e bweu tai ma‘ieana si edididi masarina.

Salamo 103:17

Ta Ieoba ‘ina nua‘ole‘ole taudi si ‘amaiabena ‘edia ‘i mia ‘ataia be ‘ataia, Ta ‘ina bubuna paruparu natunao natudiao ‘edia;

Salamo 103:9

Gea‘abo ‘i da ba‘e ‘ataia; Wate gea‘abo ‘i gamwasoara ‘ataia.

Salamo 143:8

‘U da loinegu be ‘imu oboboma‐nua‘ole‘ole ia da nonona gonagonaia; ‘Emuia ia ‘emisa ta ‘enega: ‘U da loinegu be ‘eda ‘enega ia da tauia ia da mwaratonina; Iaruiaruaguiega ia ‘ita tu‘e ‘emuia ta ‘enega.

Salamo 145:10

‘Imu guinua iauiaudi si da lotuputupu ‘emuia, Ieoba ie; Ta ‘imu to‐tapwaroro ‘esasedi si da ona obobomeio.

Salamo 16:11

Iawasi‐‘arena ‘ina ‘eda ‘u da e‘itagu: Matamuia guausoara maibo‘ana ‘i miami; ‘Ataimuia ‘ebeguausoara ‘ena si mia ataia.

Salamo 46:5

Eaubada gamwagamwanaia; gea‘abo ‘i da loniu: Eaubada ‘i da lemena, tomwa ‘uli‘ulitaia.

Salamo 47:7

Eaubada bare‘u maibo‘ana ‘ina King ta ‘enega: Wa da wari tuputupu sinasinapuiega.

Salamo 59:16

Ta ‘abo‘agu ia da wari ‘imu pa‘arina manuna; Tamo, imu ‘atenua‘ole‘ole manuna ia da wari toila gonagonaia; ‘Oio ni‘atu ‘igu anua ‘etosorana ta ‘enega, Ta ‘ebedena ‘igu elo‘uia ‘ana asiata ‘enaia.

Salamo 63:3

Imu nua‘ole‘ole oboboma ‘i bobo‘ana wawasae iawasigu ‘enaia ta ‘enega; Sopagu si da tupuio.

Salamo 97:12

‘Omi ‘imi bubuna paruparuna, Ieoba ‘ena wa da guausoara; Ta ‘ana esana tabu ‘ena wa da lokagutoki.

Si Apwesa 3:15

Ta Eaubada wate ‘i ona Mose ‘ena, Gete nadigega ‘u da ona Iseraela tubunao ‘edia, Ieoba, tamamiao ‘idi Eaubada, Aberaamo ‘ina Eaubada, Isaako ‘ina Eaubada, Iakobo ‘ina Eaubada be, ni‘atu i ‘etuneguma ‘emia: gete ‘agu esana ‘ataia, ta gete ‘agu ‘ebenua‘i‘isi ga epata‐tomota iauiauna.

Isaia 12:1

Ta asiata gote ‘enega ‘u da ona, Ieoba ie, ‘emuia ia da lokagutoki; lowa ‘u gamwasoara ‘eguia, ga ‘imu gamwasoara i ‘ilawa, ta ‘igu mia bobo‘ana ‘u sa‘una ta ‘enega.

Isaia 26:20

‘Igu tomota, wa da mai, ‘imu anuao ‘edia ‘u da rugu, ta ‘imu ‘auboda ‘u da gibodedi deimuia: ‘u da ‘akwaiemu ga tuta tomwana gidarina, be gamwasoara ‘i da gumwara bemi.