Salamo 30:3 - Buki Tabu Lowaenei 1919

³ Ieoba ie, iaruiaruagu ni‘atu u ‘au‘ewatu‘eiena Seolega: Ni‘atu u ‘ita‘i‘isigu maiawasigu, be ‘enega gea‘abo ia da mwa‘uta gaulaia.

Salamo 30:3 ပူးပေါင်းရင်းမြစ်များ

Salamo 107:20

‘Ina ona ‘i etunena, ta ‘i gibo bo‘anedi, Ta ‘adi gaula saoora ‘ediega ‘i etoseedi.

Salamo 116:8

Iaruiaruagu u ‘etoseena mwawasega ta ‘enega, Matagu mataseru ‘ediega, Ta ‘aegu be‘u ‘enega.

Salamo 16:10

Iaruiaruagu nigea ‘u da pilisinena Seola ‘ena ta ‘enega; Nai ‘imu to ‘esasena ‘u da tagware be bila ‘i da ‘itena.

Salamo 28:1

‘Emuia, Ieoba ie, ia da bwau; ‘Igu gurewa, gea‘abo ‘u da ‘etenatui ‘eguia: Nai, ‘abo ‘eguia nigea ‘u da onaonalimana, Ga ia da nadigega taudi si mwa‘uta gaulaia.

Salamo 56:13

Iaruiaruagu ni‘atu u ‘etoseena mwawasega ta ‘enega: ‘Aegu nigea nai u ‘eto‘etoseedi esetupeiega? Be ‘enega ia da lopilidadana Eaubada matanaia Iawasigu ‘ina ma‘edana ‘enaia.

Salamo 71:20

‘Oio, ni‘atu elo‘uia iauna ta sinabwana ‘u e‘itema, ‘U da gietooro limema, Ta bare‘u ‘ina ni‘uega u ‘au‘ewatu‘elimema.

Salamo 86:13

‘Imu nua‘ole‘ole ‘i sinabwa ‘eguia ta ‘enega; Ta iaruiaruagu u ‘etoseena gaula lo‘ubunega.

Isaia 38:16

‘Inapwana ie, iage getedi ‘ediega tai si bobo‘ana, Ta maibo‘ana ‘ena iaruiaruagu iawasina ‘ena ‘i miami: Ta ‘enega ‘u da giebobo‘ana limegu, ta iawasigu ‘u da sa‘u.