Salamo 30:12 - Buki Tabu Lowaenei 1919

¹² ‘Arena ‘aene ‘igu esaesa, ‘i da wari tuputupu ‘emuia, ta gea‘abo ‘i da ‘ara‘araenono. Ieoba ie, ‘igu Eaubada, ‘emuia ia da lokagutoki ataia.

Salamo 30:12 ပူးပေါင်းရင်းမြစ်များ

Nugana 49:6

Iaruiaruagu ie, ‘idi loina gea‘abo ‘ena ‘u rugurugu; ‘Idi miaegogona, ‘igu esaesa, gea‘abo ‘ena ‘u da miamiaiaina; ‘Idi gamwasoarega tai si ununa ta ‘enega, Ta ‘idi loina pa‘arina ‘enega bulomakau ‘aena warona si ‘upwena.

Esiteri 8:16

Me Iuda ma‘idi ma‘edana be uiawana, ta ma‘idi guausoara be ‘amaiaba.

Esiteri 9:22

‘Atua asiata ‘ediega me Iuda ‘adi tarauwarao ‘ediega si eiawai‘ata, ta nawarae nina i ‘ebunina ‘edia dedoiega uiawana ‘enaia, ta ‘ewabamuiega asiata bobo‘ana ‘enaia: be ‘enega si da bubudi be si da e asiata ‘ebelosagari ta ‘ebe‘eguausoara, ta ‘ebwa‘ebwaea dadana ‘e bweuna ‘e bweuna ‘enaia, ta ‘ebwaeadaita gomabeso ‘edia.

Salamo 13:6

Ia da wari Ieoba ‘enaia, ‘I bubuna ‘ai‘aila sinabwana ‘eguia ta ‘enega.

Salamo 145:2

Asiata ‘e bweuna ‘e bweuna ia da tupuio; Ta ‘amu esana ia da tupu ‘ataena.

Salamo 16:9

Ta ‘enega ‘ategu ‘i da guausoara, ta ‘igu esaesa ‘i uiawana: Esiogu wate ‘i da mia ‘atepatu.

Salamo 44:8

Eaubada ‘ena ‘a lotuputupu asiata maibo‘ana, Ta ‘amu esana ‘ena ‘a da lokagutoki ataia. (Sela.)

Salamo 57:8

‘Igu esaesa, ‘u da tooro; ‘u da tooro, ‘ebebinobino‘o ta api: Ia da tooro manini taugumo.

Salamo 71:14

Ta ia da nuaiaina ataia, Ta ia da tupuio sinabwana ta sinabwa wawasae.

Salamo 71:23

Sopagu si da eguausoara sinabwana ‘ena ia wariwari tuputupu ‘emuia; Ta iaruiaruagu, tauna ni‘atu u ‘ewalimena.

Isaia 61:3

Be taudi si dedo Siona ‘ena ia da aseiedi, ia da ‘ebwaedi iiara karikau ‘ana lopa‘eru, guausoara ‘ina bunama ‘ewabamu ‘ana lopa‘eru, tuputupu ‘ana ‘oama iaruiarua mwaumwau ‘ana lopa‘eru; be ‘enega si da eesedi bubuna paruparu ‘ina kaiweao, Ieoba ‘ana ‘aso‘aso, be ‘enega si da ‘awaeseeseiena.