Salamo 27:5 - Buki Tabu Lowaenei 1919

⁵ Asiata ‘ebeloniu ‘enega ‘i da ‘egagara kwaiegu ‘ina anua‐‘ebe‘eiauiaukwa ‘enaia ta ‘enega: ‘Ina anua‐tabenakele ‘ina esena kwaia ‘ena ‘i da kwaiegu; ‘I da gilagasigu gurewa debanaia.

Salamo 27:5 ပူးပေါင်းရင်းမြစ်များ

Salamo 10:1

‘Ieoba ie, Toase manuna ‘u tooro ‘edasora? To‘ase manuna ‘U sa‘u kwaiemu tuta ‘elo‘uia ‘enega?

Salamo 119:114

‘Oio ‘igu esena ‘ebekwaia ta ‘igu lawa: ‘Imu ona ‘ena ia nuaiaina.

Salamo 138:7

‘Abo ‘ebeloniu gamwagamwanaia ia lopilidadana, ‘u da giebobo‘ana limegu; Nimaio ‘u da iasitotona ‘agu tarauwarao ‘idi gamwasoara ‘enaia, Ta ‘ataio ‘i da ‘etoseegu.

Salamo 17:8

‘U da ‘ita‘i‘isigu mata‐poupou ‘atua, Papemuao iauiaukwidi ‘agarauninaia ‘u da kwaiegu,

Salamo 18:33

‘Aegu ‘i bubudi be si da ‘egota mewainena ‘aedi nadigega: Ta ‘igu esena ‘ebemiatu‘e ‘edia ‘i sa‘ugu.

Salamo 31:20

Mataio iauiaukwana ‘ena ‘u da kwaiedi tai ‘ina wasegigi ‘ediega: ‘U da ‘ita‘i‘ita kwaiedi anua‐‘ebe‘eiauiaukwa ‘enaia meia si losaia ‘enega.

Salamo 31:21

Ieoba ta da ‘awabobo‘anena; ‘Ina oboboma nua‘ole‘ole to sinabwa sana ni‘atu ‘i e‘itagu ‘asa pa‘arina ‘ena ta ‘enega.

Salamo 40:2

Wate i ‘au‘ewatu‘eiegu gaula ‘ebesaoorega, bwa‘a degudeguna ‘enega; Ta ‘aegu ‘i sa‘udi gurewa ‘enaia ta ‘igu tautauia ‘i giepa‘ara.

Salamo 40:3

Ta wari auauna ‘awagu ‘ena ‘i sa‘una, tamo lotuputupu ‘ida Eaubada ‘enaia; Iauiaudi si da ‘itena, ta si da matauta, Ta Ieoba ‘ena si da ‘emisa.

Salamo 46:1

Eaubada ‘ida ‘ebedena ta ‘ida pa‘arina, Tauna lema ta loba ‘ai‘aila elo‘uia ‘enaia.

Salamo 50:15

Asiata ‘ate‘uia‘uia ‘eguia ‘u da bwau; Ia da ‘etoseemu, ta ‘u da ‘awaeseesegu.

Salamo 57:1

Eaubada ie, ‘u da ‘atenua‘ole‘oleiegu, ‘u da ‘atenua‘ole‘oleiegu; Iaruiaruagu ‘i denadena ‘emuia ta ‘enega: Tamo, papemuao iauiaukwadi ‘ena ia da dena, Ga iage to‘umalidi gete si da gumwara.

Salamo 61:2

Bare‘u ‘ina ‘ebelosaroniega ia da bwau ‘emuia, ‘ena ‘ategu ‘i loemwawasi: Gurewa ‘i lo‘etanasinegu ‘ena ‘u da ‘au‘ewegu.

Salamo 61:3

‘Oio ni‘atu ‘ebedena manugu, Anua ‘etosorana pa‘arina tarauwara ‘enega.

Salamo 77:2

‘Igu loniu ‘ina asiata ‘enega ‘Inapwana ia ‘ebese: Nimagu ‘i mia iasitoto boiboia, ta nigea ‘i kokokoma; Iaruiaruagu geanuana si da gieguausoarina.

Salamo 83:3

Wasegigi si nuanua ‘imu tomota manudi, Ta si nuanua rererea ‘imu to mia kwaiao manudi.

Salamo 91:1

Tauna To Lo ‘Etana Sana ‘ina esena kwaia ‘ena ‘i miamia Tauna Toewaiwai Sana iauiaukwana ‘ena ‘i da mia baula.

Salamo 91:15

‘Eguia ‘i da bwau, ta ‘ena ia da ona limana; ‘Ena ‘i elo‘uia ‘abo‘agu ma‘ieana: Ia da ‘etoseena, ta ‘ana amaiabe ia da sa‘u.

Isaia 26:16

Ieoba, ‘ebeloniu ‘enega si iamwaiamwaio, sidasida si siwa ‘ena ‘imu ‘ebesapi ‘i apwesa ‘edia.

Isaia 26:20

‘Igu tomota, wa da mai, ‘imu anuao ‘edia ‘u da rugu, ta ‘imu ‘auboda ‘u da gibodedi deimuia: ‘u da ‘akwaiemu ga tuta tomwana gidarina, be gamwasoara ‘i da gumwara bemi.

Isaia 32:2

Ta tai ‘e bweu ‘i da na‘ieana ‘ebekwaia iagilega, ta ‘ebedena wediliega; nadigega boasi‐daudauiao esena iapasina ‘enaia, nadigega gurewa sinabwana iauiaukwana ‘asa ‘ebelo‘ame‘ame ‘enaia.