Salamo 27:14 - Buki Tabu Lowaenei 1919

¹⁴ Ieoba ‘ena ‘u da iamwaiamwa: ‘U da pa‘ara, be ‘ateio ‘i da nuanua waiwai; Tamo, Ieoba ‘ena ‘u da iamwaiamwana.

Salamo 27:14 ပူးပေါင်းရင်းမြစ်များ

Nugana 49:18

Ieoba ie, ‘imu ‘etoseana manuna ia iamwaiamwa ni‘atui.

Salamo 130:5

Ieoba manuna ia iamwaiamwa, iaruiaruagu ‘i iamwaiamwa, Ta ‘ina ona ‘ena ia nuaiaina.

Salamo 138:3

Asiata ‘ena ia bwau ‘eguia ‘u onalimana, Waiwaiega ‘u lemegu iaruiaruagu ‘enaia.

Salamo 25:21

Bubuna ‘ai‘aila ta bubuna paruparuna si da egagaregu, ‘Emuia ia iamwaiamwana ta ‘enega.

Salamo 25:3

Tamo, nigea ‘e bweu ‘emuia ‘i iamwaiamwana ‘i da omaiamaia; Taudi si wasegigi daita si da omaiamaia.

Salamo 31:24

Wa da pa‘arina, ta ‘atemi ‘i da ewaiwai. Iauiaumi Ieoba ‘ena wa nuaiaina.

Salamo 33:20

Iaruiaruada Ieoba manuna ‘i iamwaiamwana: Tauna ‘ada ‘ebelema ta ‘ada lawa.

Salamo 37:34

Ieoba ‘ena ‘u da iamwaiamwana, ta ina ‘eda ‘u da ‘ita‘i‘isi, Ta ‘i da gitu‘eieio be ‘asa ‘u da ‘ewena: ‘Ena to to‘umalidi si ‘upwa‐iauledi, ‘u da ‘itena.

Salamo 37:7

Ieoba ‘ena ‘u da miaenono, ta manuna ‘u da iamwaiamwana ma‘anuaeio: Gea‘abo nuaio ‘i da soa tauna ‘i sinabwa ‘ina ‘ebetauia ‘enaia manuna, Tai nina wasegigi geiogeioi ‘i gieapwesenama manuna.

Salamo 40:1

Ia iamwaiamwana ma‘anuaegu Ieoba manuna; Ta ‘eguia ‘i sana‘ilama, ta ‘igu bwau ‘i nonona.

Salamo 62:1

Iaruiaruagu ‘i mia enonomo Eaubada ‘enaia: Tauna ‘enega ‘agu ‘etoseana ‘i mai.

Salamo 62:5

Iaruiaruagu, ‘u da mia enonomo Eaubada ‘enaia; ‘Igu nuaiaina tauna ‘enega ta ‘enega.

Isaia 25:9

Ta asiata gote ‘enega si da gwae, Wa ‘ita, gete ‘ida Eaubada; manuna ta iamwaiamwa, ta ‘i da ‘etoseeda; gete Ieoba; manuna ta iamwaiamwa, ta da uiawana be ta da guausoara ‘ina ‘etoseana ‘enega.

Isaia 26:8

Tamo, Ieoba ie, ‘imu loinao ‘idi ‘eda ‘ena ‘a iamwaiamwa manuio; iaruiaruama ‘ina nuanua ‘amu esana ‘ena ta ‘amu ‘ebenua‘i‘isi ‘ena.

Isaia 30:18

Ta ‘enega Ieoba ‘i da iamwaiamwa, be ‘i da nuabobo‘ana ‘emia, ta ‘enega ‘i da mia tu‘e, be ‘i da nua‘ole‘ole ‘emia: Ieoba loina ‘ina Eaubada ta ‘enega; taudi manuna si iamwaiamwa si bobo‘ana.

Isaia 40:31

Ta taudi Ieoba ‘ena si iamwaiamwa taudi ‘idi pa‘ara si da ‘ewa limena; si da tu‘e pape ‘ediega ‘atua magisubu; si da pili, ta gea‘abo si da lo‘ame‘ame; si da tautauia, ta gea‘abo oodi ‘i da taba.

Isaia 8:17

Ta ia da iamwaiamwa Ieoba manuna, tauna maninina ‘i e‘etokwaiena Iakobo ‘ina susu ‘enega, ta ia da ‘ebesena.