Salamo 27:13 - Buki Tabu Lowaenei 1919

¹³ Ia mwawasa ni‘atu, ‘abo nigea ia iareiare be Ieoba ‘ina bubuna bobo‘ana ia da itena Maiawasidi ‘idi ‘asa ‘enaia.

Salamo 27:13 ပူးပေါင်းရင်းမြစ်များ

Salamo 142:5

Ieoba ie, ‘emuia ia bwau; Ia gwae, ‘Oio ‘igu ‘ebedena, ‘Agu ‘egu‘eguiai maiawasidi ‘idi ‘asa ‘enaia,

Salamo 142:6

‘Igu bwau ‘u da nonona; ni‘atu ia mia mwa‘uta wawasae ta ‘enega: Taudi si unuunugu ‘ediega ‘u da ‘etoseegu; si waiwai wawasae ‘eguia ta ‘enega.

Salamo 31:19

‘Imu bubuna bobo‘ana tosinabwa sana tauna ‘u sa‘una taudi si matautemu manudi, Tauna ‘u bubuna taudi ‘emuia si ‘emisa manudi, tomota natunao matadia!

Salamo 42:5

Iaruiaruagu ie, to‘ase manuna ‘u a‘opu‘opu? Ta to‘ase manuna ‘u loniu soraguia? Eaubada ‘ena ‘u da nuaiaina: ‘etamo ia da tupuna ta‘enega Maninina ‘ana ‘ebebobo‘ana manuna.

Salamo 52:5

Eaubada wate ‘i da ‘enapara ataeio, ‘I da ‘au‘ewa tu‘eieio, ta ‘imu anuega ‘i da lisiio. Ta maiawasidi ‘idi ‘asa ‘enega ‘i da dabuio. (Sela.)

Salamo 56:13

Iaruiaruagu ni‘atu u ‘etoseena mwawasega ta ‘enega: ‘Aegu nigea nai u ‘eto‘etoseedi esetupeiega? Be ‘enega ia da lopilidadana Eaubada matanaia Iawasigu ‘ina ma‘edana ‘enaia.

Salamo 56:3

To tuta ia da ‘atesa‘ara, ‘Emuia ia da ‘emisa.

Isaia 38:11

Ia ona, Ieoba gea‘abo ia da ‘itena, tuga Ieoba maiawasidi ‘idi ‘asa ‘enaia: Gea‘abo wate tai ia da ‘itena gabura ‘ana tomi ma‘edi.

Isaia 38:19

Maiawasina, maiawasina, tauna ‘i da tupuio, na‘ieana ‘abo‘agu batua: Tamadi natunao ‘edia ‘imu ona‘ai‘aila ‘i da e‘ita.