Salamo 25:6 - Buki Tabu Lowaenei 1919

⁶ Ieoba ie, ‘imu nua‘ole‘ole nuadi ta ‘imu obobomaiao ‘u da nua‘i‘sidi; Taudi lowaenei ‘ataia ta ‘enega.

Salamo 25:6 ပူးပေါင်းရင်းမြစ်များ

Nugana 24:27

Ta ‘i ona, Ieoba, ‘igu ‘inapwana Aberaamo ‘ina Eaubada, tauna ‘ina nua‘ole‘ole ta ‘ina ona ‘ai‘aila ‘igu ‘inapwana ‘enaia nigea ‘i e‘idi‘idia, ta da tupuna: ta ‘abo‘agu manuna, Ieoba ‘igu ‘inapwana tasinao ‘idi anua ‘ana ‘eda ‘ena ‘i nuganegu.

Nugana 32:9

Ta Iakobo ‘i gwae, Ie tubugu Aberaamo ‘ina Eaubada, ta tamagu Isaako ‘ina Eaubada, Ieoba ie, tauio ‘u eonegu, ‘Imu ‘asa ‘ena ‘u da ‘ila, ta ‘imu bu‘unao ‘edia, ta ia da giebobo‘aneio:

Salamo 103:17

Ta Ieoba ‘ina nua‘ole‘ole taudi si ‘amaiabena ‘edia ‘i mia ‘ataia be ‘ataia, Ta ‘ina bubuna paruparu natunao natudiao ‘edia;

Salamo 103:4

Tauna iawasiio i ‘ewalimena saoorega: Tauna oboboma nua‘ole‘ole ta nua‘ole‘ole nuana debamuia ‘i sa‘u ‘amu peaula:

Salamo 106:1

Ieoba wa da tupuna. Ieoba ‘ena wa da lokagutoki; tauna ‘i bobo‘ana ta ‘enega: ‘Ina nua‘ole‘ole ‘i mia‘ataia ta ‘enega.

Salamo 106:45

Ta manudi ‘ina ona‘upa‘upa ‘i nua‘i‘isina, Ta nuana ‘i ebunina na‘ieana ‘ina nua‘ole‘oleao ‘adi iau.

Salamo 107:1

Ieoba ‘ena wa da lokagutoki; tauna ‘i bobo‘ana ta ‘enega: ‘Ina nua‘ole‘ole ‘i mia ‘ataia ta ‘enega.

Salamo 119:77

‘Imu nua‘ole‘ole nuadi si da mai ‘eguia, be ‘enega ia da bobo‘ana: ‘Imu loina ‘igu ‘ebeguausoara ta ‘enega.

Salamo 40:11

Ieoba ie, ‘imu nua‘ole‘ole nuana gea‘abo ‘eguia ‘u da egagare: ‘Imu oboboma nua‘ole‘ole ta ‘imu ona ‘ai‘aila si da ‘ita‘i‘isigu ataia.

Salamo 69:13

Ta manugu, ‘igu sidasida ‘emuia, Ieoba ie, tuta bobo‘ana ‘enega: Eaubada ie, ‘imu nua‘ole‘ole ‘ana iau ‘enega, ‘Eguia ‘u da ona limana ‘imu ‘etoseana ‘ina ona ‘ai‘aila ‘enega.

Salamo 69:16

Ieoba ie, ‘eguia ‘u da ona limana; ‘imu oboboma nua‘ole‘ole ‘i bobo‘ana ta ‘enega: ‘Imu nua‘ole‘ole nuadi ‘adi iau na‘ieadi ‘u da sana‘ilama ‘eguia.

Salamo 98:3

‘Ina nua‘ole‘ole ta ‘ina bubuna ‘ai‘aila Iseraela ‘ina anua ‘ena ni‘atu ‘i nua‘i‘isina; Bare‘u ‘ana ‘ebelosaroni iauiaudi ni‘atu ‘ida Eaubada ‘ina ‘etoseana i ‘itena.

Si Apwesa 15:13

‘Oio ‘imu ‘atenua‘ole‘oleiega tomota taudi manudi u ‘e‘isa ‘u nuganedi: ‘Imu waiwaiiega u ‘au‘ewedi ‘imu ‘ebemia tabu ‘enaia.

Si Apwesa 34:6

Ta Ieoba ‘i sakowasi matanaia, ta i ‘inanena, Ieoba, Ieoba, Eaubada ‘i maa nua‘ole‘oleiega ta ‘i oboboma, sabi gamwasoara ‘i so‘iso‘i, nua‘ole‘ole ta ona ‘ai‘aila ‘ediega ‘i maa‘apu‘apu;

Isaia 55:7

To to‘umalina ‘ina ‘eda ‘i da pilisinena, ta tai nigea bubuna paruparu ‘ina nuanua: ta Ieoba ‘ena ‘i da ‘ilama, ta ‘i da ‘atenua‘ole‘oleiena: ta ‘ida Eaubada ‘ena, tauna to‘umalina ‘i da giekweu ‘ai‘ailina ta ‘enega.

Isaia 63:15

Garewega ‘u da ‘ita mwa‘utama, ta ‘imu tabu ta ‘imu esaesa ‘idi ‘ebemiega ‘u da dune: mane ‘imu gewagewana ta ‘imu guinua waiwaidi? dia ‘ina waiwai ta ‘imu nua‘ole‘oleao si miaiaina manugu.