Salamo 25:16 - Buki Tabu Lowaenei 1919

¹⁶ ‘Eguia ‘u da sana‘ilama, ta ‘u da ‘atenua‘ole‘oleiegu; ‘Abo‘agu ia mia waborebore ta ia elo‘uia ta ‘enega.

Salamo 25:16 ပူးပေါင်းရင်းမြစ်များ

Salamo 109:22

‘Abo‘agu gomabeso ta nanaewagu ta ‘enega, Ta ‘ategu ‘i eloabiiama soraguia.

Salamo 119:132

‘Eguia ‘u da sana‘ilama, ta ‘u da ‘atenua‘ole‘oleiegu, Nadigega ‘imu bubuna lowa taudi ‘amu esana si obobomena ‘edia.

Salamo 143:4

Ta ‘enega iaruiaruagu ‘i mwawamwawasa soraguia; ‘Ategu ‘i mwaumwau soraguia,

Salamo 32:5

‘Igu loegesi ia simanena ‘emuia, ta ‘igu bubuna bokobokona nigea ia kwaiena: Ia ona, ‘Igu li‘oa‐loina ia da simanedi Ieoba ‘enaia; Ta ‘igu loegesi ‘ina bubuna bokobokona ‘u kweuna. (Sela.)

Salamo 60:1

Eaubada ie, ni‘atu u ‘ulema, ni‘atu u ‘ausepara mwa ‘utema; Ni‘atu ‘u gamwasoara; ‘U da gietooro limema.

Salamo 86:1

Ieoba ie, ‘u da sana mwa‘utama, ta ‘eguia ‘u da ona limanama; ‘Abo‘agu ia gomabeso ta nanaewagu ta ‘enega.

Salamo 86:16

Ie! ‘eguia ‘u da sana‘ilama, ta eguia ‘u da ‘atenua‘ole‘ole; ‘Imu waiwai ‘u da ‘ebwaeae ‘imu to guinua ‘enaia, Ta ‘imu ‘ari‘e mewainena natuna ‘u da ‘etoseena.