Salamo 24:5 - Buki Tabu Lowaenei 1919

⁵ ‘Ebeguausoara ‘i da ‘ewena Ieoba ‘enega, Ta bubuna paruparuna ‘ina ‘etoseana ‘ina Eaubada ‘enega.

Salamo 24:5 ပူးပေါင်းရင်းမြစ်များ

Salamo 50:23

Tauna tuputupu ‘ina taria i ‘ebwaea tauna i ‘awaeseesegu: Ta tauna ‘ina bubuna ‘i sa‘u ‘ai‘ailina Eaubada ‘ina ‘etoseana ia da e‘ita ‘enaia.

Salamo 68:19

Ieoba ta da tupuna, tauna ‘adi ‘a‘ara i ‘a‘arina asiata iauiauna, Tuga Eaubada tauna ‘ada ‘etoseana (Sela.)

Salamo 72:17

‘Ana esana ‘i da mia ataia; ‘Ana esana ‘i da mia ataia sinara matanaia: Ta ‘ena tai si da bobo‘ana; ‘Ebeloina iauiauna si da ‘awa to‘eguausoarena.

Salamo 88:1

Ieoba ie, ‘agu ‘etoseana ‘ina Eaubada, Ni‘atu ia bwau asiataia be boiboiia matamuia:

Isaia 12:2

Wa ‘ita, Eaubada ‘agu ‘etoseana; ia da ‘emisa, ta gea‘abo ia da ‘atesa‘ara; Eaubada Ieoba tauna ‘igu waiwai ta ‘igu wariwari ta ‘enega; ta tauna ni‘atu ‘agu ‘etoseana.

Isaia 45:17

Iseraela Ieoba ‘i da ‘etoseena ‘etoseana mia‘ataia ‘enega: gea‘abo wa da omaiamaia nai wa da loniu ga bare‘u ‘ana ‘ebelosaroni.

Isaia 46:13

‘Igu bubuna paruparu ia me‘ena serabenaia, gea‘abo ‘i da mia ‘edasora, ta ‘igu ‘etoseana gea‘abo ‘i da iamwaiamwa; ta ‘etoseana ia da sa‘u Siona ‘ena Iseraela ‘igu esaesa manuna.

Isaia 51:8

Sarasara ‘i da ‘enidi ‘oama nadigega ta ‘enega, ta didimwana ‘i da ‘enidi wula nadigega: ta ‘igu bubuna paruparu ‘i da mia ‘ataia, ta ‘igu ‘etoseana epata‐tomota iauiauna ‘edia.

Isaia 54:17

Nigea ‘e bweu ‘ebesaia si bubu manuio ‘i da bobo‘ana; ta meia ‘e bweuna ‘e bweuna ‘i tooro manuio etara ‘ena ‘u da ‘awato‘umaliena. Gete Ieoba ‘ina to‐guinuao ‘idi ‘egu‘eguia, ta ‘idi bubuna paruparu tauna ‘eguiega, Ieoba ‘i gwae.

Isaia 61:10

Ieoba ‘enega ia da guausoara sinabwana, iaruiaruagu ‘i da guausoara ‘igu Eaubada ‘enega; ni‘atu ‘i e‘otegu ‘etoseana ‘ana ‘oama ‘ediega ta ‘enega, bubuna paruparu ‘ana tara‘apwarega ni‘atu ‘i bodegu, ‘atua toai me‘olotona ‘i eiarina tauna iaiarega, ta ‘atua toai mewainena ‘i eiarina tauna ‘ina oesiega.