Salamo 19:9 - Buki Tabu Lowaenei 1919

⁹ Ieoba ‘ana matauta i ‘esasena, ‘i miaataia; Ieoba ‘ina etara si eiage ‘ai‘aila, ta paruparuna maibo‘ana.

Salamo 19:9 ပူးပေါင်းရင်းမြစ်များ

Nugana 22:12

Ta ‘i gwae, Gea‘abo nimamuiega goama ‘u unuunui, ta gea‘abo ‘e bweu iage ‘ena ‘u da guiguinue: gete ‘enega ia mwaratoni ta ‘enega ‘oio Eaubada ‘u matautena, natuio me‘olotona, natuio tebweuna, ‘eguiega nigea ‘u egagare ta enega.

Nugana 42:18

Ta ‘asiata ‘e tonina Iosepa ‘edia ‘i ona, Gete wa da guinua, ta wa da bobo‘ana; Eaubada ia matautena ta ‘enega:

Salamo 10:5

‘Ina ‘eda pa‘aridi tuta iauiauna; ‘Imu loina si mia to ‘etana sana nigea ‘i da ‘itedi: ‘Ana tarauwara iauiauna manudi, ‘edia ‘i mu‘enunu.

Salamo 111:10

Ieoba ‘ana matauta tauna sinasinapu ‘ana nugana; Iauiaudi si guinuedi ‘aredi bobo‘ana: ‘Ana tuputupu ‘i mia ‘ataia.

Salamo 115:13

Taudi Ieoba si matautena ‘i da onaobobomedi, Me gidaridi ta me sinabwadi ruarua.

Salamo 119:1

Taudi bobo‘ai‘ailidi ‘eda ‘enaia taudi maguausoaridi, Taudi si tautauia Ieoba ‘ina loina ‘enaia.

Salamo 119:106

Ni‘atu ia ona‘upa‘upa, ta ia giepa‘arina, Be ‘imu ‘etara paruparudi ia da ‘ita‘i‘isidi.

Salamo 119:111

‘Imu e‘itao ni‘atu ia ‘ewedi ‘egu‘eguiai ‘ataia; Taudi ‘ategu ‘ina guausoara ta ‘enega.

Salamo 119:142

‘Imu bubuna paruparu ‘i bubuna paruparu mia ‘ataia, Ta ‘imu loina ona ‘ai‘aila.

Salamo 119:39

‘Agu ‘ebesinara tauna ia ‘atesa‘ara manuna ‘u da ‘ewa iaulei; ‘Imu etarao si bobo‘ana ta ‘enega.

Salamo 119:62

Niuniuwanaia ia da tooro be ‘emuia ia da lokagutoki ‘Imu etarao paruparudi manudi.

Salamo 119:7

‘Ate paruparuiega ia da lokagutoki ‘emuia, Ena ‘imu loina paruparudi ia pana‘isidi.

Salamo 119:75

Ieoba ie, ia mwaramwaratoni ‘imu etarao si paruparu, Ta bubuna ‘ai‘ailega ‘u unugu.

Salamo 12:7

Ieoba ie, ‘u da ‘ita‘i‘isidi, ‘Epata tomota gete ‘enega ‘u da egagaredi ataia.

Salamo 147:19

‘Ina ona ‘i e‘ita Iakobo ‘enaia. ‘Ina loina tomwanao ta ‘ina loinao Iseraela ‘enaia.

Salamo 36:1

To to‘umalina ‘ina li‘oa loina ‘i gwae ‘ategu gamwanaia, Nigea ‘e bweu Eaubada matausina matanaia.

Salamo 36:6

‘Imu bubuna paruparuna ‘i na‘ieana Eaubada ‘ina ‘oeao; ‘Imu loinao si ni‘u sinabwana: Ieoba ie, tai ta bomitawa u ‘ita‘i‘isidi.

Si Apwesa 21:1

Ta gete loina nidi ‘u da sa‘u matadia.

Isaia 26:8

Tamo, Ieoba ie, ‘imu loinao ‘idi ‘eda ‘ena ‘a iamwaiamwa manuio; iaruiaruama ‘ina nuanua ‘amu esana ‘ena ta ‘amu ‘ebenua‘i‘isi ‘ena.

Isaia 45:19

Nigea ia ona kwaia, guguioi ‘ina ‘asa ‘ina esena ‘enaia; nigea ia ona Iakobo tubunao ‘edia, Wa da ‘ebesa iogenegu; ‘Abo‘agu Ieoba bubuna paruparu ia oneone, iage si paruparu ia simana.