Salamo 17:13 - Buki Tabu Lowaenei 1919

¹³ Ieoba ie, ‘U da tooro, Matanaia ‘u da tooro, ‘u da ‘ulamwa‘utena; Iaruiaruagu ‘u da ‘etoseena to to‘umalidi ‘ediega ‘imu sisi‐saiega;

Salamo 17:13 ပူးပေါင်းရင်းမြစ်များ

Salamo 10:12

Ieoba ie, ‘U da tooro; Eaubada ie, nimaio ‘u da gilagasi: Gomabeso gea‘abo ‘u da nuanuapupuredi.

Salamo 119:126

Ni‘atu Ieoba ‘ana tuta be ‘i da bubuna, ‘Imu loina si gibesobesona ta ‘enega.

Salamo 22:20

Sisi‐saiega iaruiaruagu ‘u da ‘etoseena; ‘Igu iage tebweuna tuga kedewa ‘ina waiwaiega.

Salamo 3:7

Ieoba ie, ‘u da tooro; ‘u da ‘etoseegu, ‘igu Eaubada ie: ‘Agu tarauwarao iauiaudi ni‘atu ‘u unudi ‘ase‘asedi luluna ‘enaia; To to‘umalidi saradi ni‘atu ‘u bwagena.

Salamo 44:23

‘U da losuiaeio, Inapwana ie! to‘ase manuna u ‘eno‘eno? ‘U da tooro, gea‘abo u ‘ula‘ula ataema.

Salamo 44:26

‘U da tooro ‘ama lema manuna, Ta ‘u da li‘amima ‘imu obobomanua‘ole‘ole manuna.

Salamo 7:6

‘U da tooro, Ieoba ie, ‘imu gamwasoara ‘ena, ‘Agu tarauwarao ‘idi gamwasoara ‘edia ‘u da gietu‘eieio: Ta manugu ‘u da iaweiawe; ‘Oio loina ni‘atu ‘u oneone.

Salamo 94:16

Iaita ‘i da tooro manugu toguinua to‘umalidi ‘edia? Iaita ‘i da tooro manugu taudi bubuna bokoboko si guinua ‘edia?

Isaia 10:15

‘Ila ‘i da ona gagasa nai tauna ‘enega ‘i tara kaiwe ‘enaia? Daba ‘i da ‘awa sinabwa‘ena tauna ‘i gidederina ‘enaia? ‘atua keweliwelili taudi si gilagasina ‘i da giniuiedi, nai ‘atua guna tauna nigea kaiwe ‘i da gilagasina.

Isaia 10:5

Oioi me Asiria, ‘igu gamwasoara ‘ina keweliwelili, guna nina tauna nimanaia ‘igu egamwagamwagu ‘i miami!

Isaia 13:5

‘Asa ‘edasorega si mai, garewa esenana ‘ebelosaroniega, tuga Ieoba, ta ‘ina nuaiaiiai ‘ana ‘ebelosaiao, sabi giesaoora ‘asa maibo‘ana.

Isaia 37:26

Nigea na ‘u nonona lowaenei ia guinuena, ta gimi tutao ‘ediega ia mweruruina? gete ‘enega ia gieapwesena, be ‘oio ‘u miami be ‘asa ma‘adi ‘arigurewa ‘u giesawaridi ga si esa‘u epopo mudamudaridi.

Isaia 51:9

‘U da tooro, ‘u da tooro, waiwai ‘u da ‘otena, Ieoba nimana ie; ‘u da tooro, ‘atua gimi asiatao ‘edia, gimi tutao ‘idi epata‐tomota. Nigea ‘oio nai tauna Raaba i ‘upwa tomwatomwa, tauna waregoa ‘i badi be ‘i sasa‘a?