Salamo 136:11 - Buki Tabu Lowaenei 1919

¹¹ Ta Iseraela i ‘au‘ewedima gamwagamwanidiega: ‘Ina nua‘ole‘ole ‘i mia ‘ataia ta ‘enega:

Salamo 136:11 ပူးပေါင်းရင်းမြစ်များ

Salamo 105:37

I ‘au‘ewedima silebega ta golega: Ta nigea ‘e bweu to neneta ‘ina susu ‘edia.

Salamo 78:52

Ta tauna ‘ina tomota i ‘au‘ewedi sipi nadigega, Ta ‘i nuganedi mitawaia iau ‘atua.

Si Apwesa 12:41

Ta iakwara e poa anaredi ta tati ‘adi ‘ebelosaroni ga gete ‘i apwesa, asiata tauna ‘ai‘aila gete ‘i apwesa, Ieoba ‘ina bodao iauiaudi ‘asa Aigupito ‘enega si tauiawa.

Si Apwesa 12:42

Gete boiboi si da ‘ita‘i‘isi Ieoba ‘enaia ‘ina ‘au‘ewedima ‘asa Aigupito ‘enega manuna: gete Ieoba ‘ina boiboi nina, Iseraela tubunao iauiaudi si da ‘ita‘i‘isina ‘adi ‘epata‐tomota maibo‘anega.

Si Apwesa 12:51

Ta asiata ‘ai‘aila nina gete ‘i apwesa, Ieoba Iseraela tubunao ‘asa Aigupito ‘enega i ‘au‘ewedima boda ta boda ‘ediega.

Si Apwesa 13:14

Ta ‘ena natuio me‘olotona tuta ‘i memai ‘enega ‘i eonaio, ‘i gwae, To‘ase gete? ga ‘u da ona ‘enaia, Nima waiwaiiega Ieoba i ‘au‘eweda Aigupitoega, ioniionidi ‘idi anuega:

Si Apwesa 13:16

Ta ‘i da we‘iwe‘iiaia manuna nimaio ‘ena, ta ‘ebeloesanana mataio gamwagamwanidia: nima waiwaiiega Ieoba i ‘au‘ewedama Aigupitoega ta ‘enega.

Si Apwesa 13:17

Ta gete ‘i apwesa, ni‘atu Parao tomota ‘i tagwaredi be si da tauia, ga Eaubada nigea i ‘au‘ewedi me Pilisitia ‘idi ‘asa ‘ana ‘edega, ta gote serabenaia tuga; Eaubada ‘i gwae ta ‘enega, ‘Abona nai tomota si nua‐ebuni ‘ena saia si ‘itena, ta si ‘ila Aigupito ‘enaia;

Si Apwesa 13:3

Ta Mose ‘i ona tomota ‘edia, Asiata gete wa da nua‘i‘isi, tauna ‘enega Aigupitoega wa apwesama, ioniionidi ‘idi anuega; nima waiwaiiega Ieoba esena gete ‘enega i ‘au‘ewemi ta ‘enega: gea‘abo palaua malebeni wa ‘e‘ani.

Si Apwesa 13:9

Ta ‘i da we‘iwe‘iiaia ‘emuia nimaio ‘enaia, ta ‘ebenua‘i‘isi manuna mataio gamwagamwanidia, be ‘enega Ieoba ‘ina loina ‘awaio ‘ena ‘i da miami: nima waiwaiiega Ieoba i ‘au‘ewemu Aigupitoega ta ‘enega.