1 Ieoba ie, ni‘uiega ‘emuia ia bwau ni‘atu.
Ia da ‘ita tu‘e ‘oea ‘edia: Mwa‘adega ‘agu leme ‘i da mai?
Ia guausoara ‘ena si eonegu, Ta da tauia Ieoba ‘ina anua ‘enaia.
‘Emuia ia ‘ita tu‘e, ‘Oio garewaia ‘u miatoa.
‘Abo Ieoba nigea tauna ni‘atu ma‘eda, Iseraela gete ‘enega ‘i da gwae;
Taudi Ieoba ‘ena si ‘emisa Taudi ‘oea Siona ‘atua, tauna nigea kapekapeana ‘i loniu, ta ‘i mia ‘ataia.
‘Ena Ieoba Siona ‘ana mia ionaiona ‘i gibuni limena, ‘Abo‘ada nadigega taudi si madawara.
‘Abo Ieoba nigea anua i ‘abina, Taudi si ‘abina si guinua besobeso: ‘Abo Ieoba nigea ‘asa i ‘ita‘i‘isina, To ‘ita‘i‘isi ‘i iaweiawe besobeso.
Tauna ‘e bweuna ‘e bweuna Ieoba ‘i amaiabena tauna ma‘ina guausoara, Tauna ‘ina ‘edao ‘ediega ‘i tautauia.
Tuta iauna ‘agu elo‘uia si sa‘usa‘u ‘igu tubuauiega, Iseraela ‘i da ona gete ‘enega;
‘Etanega ‘i etune, i ‘au‘ewegu; Boasi iauna ‘ediega ‘i lisi‘ilegu.
Wate i ‘au‘ewatu‘eiegu gaula ‘ebesaoorega, bwa‘a degudeguna ‘enega; Ta ‘aegu ‘i sa‘udi gurewa ‘enaia ta ‘igu tautauia ‘i giepa‘ara.
Ni‘u ‘i bwau ni‘u ‘enaia ‘imu wagawowoli ‘enadi ‘enaia: ‘Imu lisu ta ‘imu lepo iauiauna ni‘atu si siwatautaugu.
‘Oio, ni‘atu elo‘uia iauna ta sinabwana ‘u e‘itema, ‘U da gietooro limema, Ta bare‘u ‘ina ni‘uega u ‘au‘ewatu‘elimema.
