Salamo 13:4 - Buki Tabu Lowaenei 1919

⁴ ‘Abona nai ‘agu tarauwara ‘i gwae, Ia ewaiwai ‘enaia; ‘Abona nai ‘agu tarauwarao si guausoara ‘ena ia loniu.

Salamo 13:4 ပူးပေါင်းရင်းမြစ်များ

Salamo 10:11

‘Atenaia ‘i gwae, Eaubada ni‘atu ‘i nuapupura: Maninina ‘i e‘etokwaiena; gea‘abo ‘i da ‘ita‘ita.

Salamo 112:6

Tauna gea‘abo ‘i da loniu ‘enega; To paruparuiao ‘adi nua‘i‘isi gea‘abo ‘i da gumwara.

Salamo 25:2

‘Igu Eaubada ie, ‘emuia ni‘atu ia ‘emisa, Gea‘abo ‘u da tagwaregu be ia da omaiamaia; Gea‘abo ‘u da tagwara be ‘agu tarauwarao si da ewaiwai ‘eguia.

Salamo 35:19

Taudi ‘agu tarauwarao gea‘abo ‘u da tagwaredi be si da guausoara kabokabo manugu: Ta gea‘abo ‘u da tagwara be taudi si guitoasa daisigu matadi si da tuekelele.

Salamo 35:25

Gea‘abo ‘u da tagwara be si da ona ‘atedia, Wa ‘ita, nadigega nuama: Gea‘abo si da ona, Ni‘atu ‘a tonena.

Salamo 38:16

Ia ona ta ‘enega, Nai manugu si ‘e‘eguausoara: ‘Ena ‘aegu ‘i newanewa, si gitu‘eiedi ‘eguia.

Salamo 55:22

‘Amu ‘a‘ara Ieoba ‘ena ‘u da sa‘u, ta ‘i da gi‘eteio: Gea‘abo sa‘i ‘i da tagwatagwara be to paruparudi si da loniu.

Salamo 62:2

Tauna tebweuna ‘igu gurewa ta ‘agu ‘etoseana: Tauna ‘igu anua ‘etosorana; gea‘abo ia da loniu sinabwana.

Salamo 62:6

Tauna tebweuna ‘igu gurewa ta ‘agu ‘etoseana: Tauna ‘igu anua ‘etosorana; gea‘abo ia da loniu.

Salamo 9:19

‘U da tooro, Ieoba ie; tai gea‘abo ‘i da ewaiwai: ‘Ebeloinao matamuia si da ‘etara.