Salamo 112:1 - Buki Tabu Lowaenei 1919

¹ Ieoba wa da tupuna. Tauna Ieoba ‘i matautena tauna ‘i bobo‘ana, Tauna ‘ina ona manudi ‘i guausoara sinabwana.

Salamo 112:1 ပူးပေါင်းရင်းမြစ်များ

Salamo 111:1

Ieoba wa da tupuna. Ieoba ‘ena ia da lokagutoki ‘ategu maibo‘anega, Ta paruparuiao ‘idi deriegogona ‘enaia, ta boda tapwaroro ‘enaia.

Salamo 111:10

Ieoba ‘ana matauta tauna sinasinapu ‘ana nugana; Iauiaudi si guinuedi ‘aredi bobo‘ana: ‘Ana tuputupu ‘i mia ‘ataia.

Salamo 119:14

‘Imu e‘itao ‘idi ‘eda ‘ena ia guausoara, Sinabwana nadigega oesi iauiaudi ‘edia.

Salamo 119:143

Loniu ta elo‘uia ni‘atu si giiaigu: Ta ‘imu ona ‘igu ‘ebeguausoara.

Salamo 119:16

‘Imu loina tomwanao ‘edia ia da gieguausoarigu: ‘Imu ona gea‘abo ia da nuapupurena.

Salamo 119:35

‘U da tauiegu ‘imu ona ‘idi ‘eda ‘enaia: ‘Ena ia guausoara ta ‘enega.

Salamo 119:97

‘Imu loina ia obobomena sinabwana! Tauna ‘igu ‘ebenuanua asiata maibo‘ana.

Salamo 128:1

Tauna ‘e bweuna ‘e bweuna Ieoba ‘i amaiabena tauna ma‘ina guausoara, Tauna ‘ina ‘edao ‘ediega ‘i tautauia.

Salamo 145:19

Taudi si matautena ‘idi nuena ‘i da gieapwesa ‘edia; ‘Idi bwau wate ‘i da nonona, ta ‘i da ‘etoseedi.

Salamo 147:1

Ieoba wa da tupuna; Wari tuputupu ‘ida Eaubada ‘ena ‘i bobo‘ana ta ‘enega: ‘Ana nono ‘i bobo‘ana ta ‘enega, ta tuputupu ‘ana ‘ita ‘i bobo‘ana.

Salamo 150:1

Ieoba wa da tupuna. Eaubada wa da tupuna ‘ina anua tabu ‘enaia: Wa da tupuna ‘ina waiwai ‘ina bwagabwaga ‘enaia.

Salamo 40:8

Nua‘ai‘ailigu be ‘imu nuena ia da guinua, ‘igu Eaubada ie; Tamo, ‘imu loina ‘ategu soranaia ‘i miami.

Si Apwesa 1:21

Ta gete i ‘apwesa, iine to‐etubua Eaubada si matautena, ga anua i ‘abidi ‘edia.

Isaia 50:10

Iaita ‘emia Ieoba ‘i matautena, ‘ina to‐guinua ‘enana ‘ena ‘i ematamatana? tauna ‘i lopilidadana guguioi ‘ena, ta nigea ‘ina ma‘edananamo, tauna Ieoba ‘ana esana ‘ena ‘i da ‘emisa, ta ‘ina Eaubada ‘ena ‘i da tugadara.