Salamo 111:4 - Buki Tabu Lowaenei 1919

⁴ ‘Ina guinua sinabwadi ‘i bubudi be si da nua‘i‘isidi: Ieoba ‘i oboboma ta nua‘ole‘oleiega ‘i maa.

Salamo 111:4 ပူးပေါင်းရင်းမြစ်များ

Salamo 103:8

Ieoba ‘i maa nua‘ole‘oleiega ta nuana ‘i bobo‘ana, ‘I so‘iso‘i gamwasoara ‘enaia, ta nua‘ole‘oleiega ‘i sinabwa.

Salamo 112:4

Ma‘edana ‘i tooro guguioi ‘ena to‐bubuna paruparu ‘edia: Tauna ‘i oboboma, ta nua‘ole‘oleiega ‘i maa, ta ‘i paruparu.

Salamo 145:8

Ieoba ‘i oboboma, ta nua‘ole‘oleiega ‘i maa; ‘Ina gamwasoara ‘i so‘iso‘i, ta ma‘ina nua‘ole‘ole sinabwana.

Salamo 78:38

Ta tauna, ‘i maa nua‘ole‘oleiega, ga ‘idi bubuna bokobokona nigea ‘i e‘isa, ta nigea ‘i loesaooridi; Tamo, tuta iauna ‘ina gamwasoara i ‘ile‘ile, Ta ‘ina gamwasoara iauiauna nigea ‘i iliili.

Salamo 86:15

Ta ‘oio, ‘Inapwana ie, ‘oio Eaubada nua‘ole‘ole ta oboboma ‘ediega ‘u maa, Gamwasoara manuna ‘u so‘iso‘i, ta ‘imu nua‘ole‘ole ta ona ‘ai‘aila si ‘elosinabwa.

Salamo 86:5

‘Oio ta ‘enega, ‘Inapwana, ‘u bobo‘ana, ta to‘umalina ‘u kweu manini, Ta iauiaudi ‘emuia si bwau ‘edia ‘u nua‘ole‘ole sinabwana.

Isaia 63:7

Ieoba ‘ina oboboma nua‘ole‘oleiao ia da ‘inana, ta Ieoba ‘ana tuputupuiao, nadigega iage maibo‘ana Ieoba i ‘ebwaeda; ta bobo‘ana sinabwana Iseraela ‘ina susu ‘enaia, tauna i ‘ebwaedi nadigega ‘ina nua‘ole‘oleiao, ta nadigega ‘ina oboboma ‘ana iau.