Salamo 101:5 - Buki Tabu Lowaenei 1919

⁵ Tauna gosiana i ‘awa to‘umali kwaiena, tauna ia da giesaoori: Tauna ma‘ana dunedune tu‘e ta ma‘ate gagasina gea‘abo ia da tagwarena.

Salamo 101:5 ပူးပေါင်းရင်းမြစ်များ

Salamo 138:6

Ona ‘ai‘aila Ieoba to lo‘etana ta ‘enega, ga to mia mwa‘uta ‘i nonodi; Ta to gagasa ‘i mwaramwaratonidi ‘edasorega.

Salamo 15:3

Tauna nigea ‘i da simana kabokabo meianega, Nai ‘i da guinua geiogeioi gosiana ‘enaia, Nai gosiana ‘i da awa to‘umaliena.

Salamo 18:27

Tomota elo‘uia ‘u da ‘etoseedi ta ‘enega; Ta mata gagasa ‘u da gimwa‘utedi.

Salamo 50:20

‘U miatoa ta tasio u ‘awato‘umaliena; Ta sinaio tauio natuna manuna ‘u ona geiogeioi.

Si Apwesa 20:16

Gosiaio gea‘abo ‘u da e‘ewa kabokaboena.

Si Apwesa 23:1

Simana kabokabo gea‘abo ‘u da ‘ewena: gea‘abo nimaio ‘u sa‘u to‐to‘umalina ma‘ieana be ‘u to‘ita nigea paruparuna.

Isaia 2:11

Ta tai ‘ana ‘itatu‘eiao si da mia mwa‘uta, ta tai ‘idi gagasa ‘i da mia ‘opu‘opu, ta Ieoba tebweuna ‘i da miatu‘e asiata gote ‘enega.

Loina 19:16

Gea‘abo ‘u da tu‘e ta ‘u da mwa‘uta to simana ‘atua ‘imu tomota ‘edia: nai gosiaio rarana matanaia ‘u da tooro: ‘Abo‘agu Ieoba.