Salamo 10:7 - Buki Tabu Lowaenei 1919

⁷ ‘Awana ‘i maa eliega be, kabo be, didiga be: Meiana ‘agaraunaia wasegigi ta bubuna bokobokona si miami.

Salamo 10:7 ပူးပေါင်းရင်းမြစ်များ

Salamo 12:2

‘Ebweuna ‘e bweuna gosiana ma‘ieana si ona besobeso: Sopa tupu kabokabo ‘enega, ta ‘ate giruadi ‘enega, si onaona.

Salamo 140:3

Meiadi si geiadena ‘atua moata; Moata‐ada ‘ina darere sopa ‘ubunidia ‘i miami. (Sela.)

Salamo 140:9

Ta taudi si sakowasiegu debadi, Sopadi taudi ‘idi wasegigi ‘i da bodedi.

Salamo 144:11

‘U da li‘amigu, ta ‘u da ‘etoseegu to‘u‘umara nimadiega, Taudi ‘awadi iage besobeso si oneone, Ta ‘ataidi onakabokabo ‘ataina.

Salamo 144:8

Taudi ‘awadi iage besobeso si oneone, Ta ‘ataidi ona kabokabo ‘ataina.

Salamo 36:3

‘Awana ‘ina ona si bokoboko ta si kabokabo: Mia sinasinapu ta guinua bobo‘ana ni‘atu ‘i pilisinedi.

Salamo 41:6

Ta ‘abo ‘i mai sabi ‘itegu, ‘i onaona besobeso; ‘Atena bubuna bokobokona ‘i egogonena taunamo ‘enaia; ‘Ena ‘i tautauia dadana, ‘i simasimane.

Salamo 5:9

Nigea ‘e bweu iage ‘ai‘aila ‘awadi ‘ena ta ‘enega; ‘Atedi to ‘umalina ‘arena: Magadi ‘ari‘ari ‘egegena; Meiadi si gienonokwaikwaina.

Salamo 50:19

‘Awaio ‘u tagwarena to‘umalina ‘ena, Ta meiaio kabokabo ‘i bubuna.

Salamo 52:4

Ona si ‘e‘ai iauiauna ‘u nuanuana, Oio meia kabokabo.

Salamo 55:21

‘Awana ‘i newanewa bata ‘atua, Ta ‘atena ‘i losaia: ‘Ina ona si nua wawasae bunama ‘enaia, Ta si ‘esisi‐saiao lisi‐lolodi.

Salamo 58:3

To to‘umalidi gamwa ‘enega si mia gesi: Tuta ‘ai‘aila ‘enega si tubua si tauia gesi, onakabokabo si oneone.

Salamo 59:12

‘Awadi ‘ina loegesi, ta sopadi ‘idi ona manudi, ‘Idi gagasa ‘enega si da giiaidi, Ta elia ta onakabokabo si oneone manudi.

Salamo 59:13

Gamwasoarega ‘u da loegumwaridi, ‘u da loegumwaridi, be ‘enega gea‘abo wate si da miami: Ta ‘u da e‘itadi ‘aene Eaubada ‘i loina Iakobo ‘ena, Ga bare‘u ‘ina ‘ebelosaroniao. (Sela).

Salamo 62:4

Si wasegiginamo be ‘ina bobo‘ai‘ailinega si da ‘ausepara mwa‘utena; Ona kabokabo ‘idi ‘ebe‘eguausoara: ‘Awadiega si onaoboboma, ta ‘atediega si elia. (Sela.)

Salamo 64:3

Taudi meiadi si geiadena sisi saia ‘atua, Ta ‘idi gita si ‘uledi, ona dareredi tugai:

Salamo 7:14

Wa ‘ita, bubuna bokobokona ‘enega ‘i edadama; Tamo, wasegigi ni‘atu i ‘euwana ‘atenaia, ta ona kabokabo ni‘atu ‘i enatunena.

Salamo 73:8

Si tuietuiea, ta bubuna to‘umalina ‘enega didiga si ‘ina‘inana: Si onaona ‘etanega.

Isaia 59:4

Nigea ‘e bweu ‘i bwaubwau bubuna paruparuiega, ta nigea ‘e bweu ‘i eonaona ona‐‘ai‘ailega: iage besobeso ‘ena si ‘emisa, ta onakabokabo si oneone; wasegigiega si ‘euwana, ta bubuna bokoboko si enatunena.