Salamo 10:4 - Buki Tabu Lowaenei 1919

⁴ To to‘umalina, matana ‘ina gagasa ‘ena ‘i gwae, Nigea sawesawenaia. ‘Ina nuanua iauiaudi getedi, Nigea ‘e bweu Eaubada ‘i miami.

Salamo 10:4 ပူးပေါင်းရင်းမြစ်များ

Nugana 6:5

Ta Ieoba i ‘itena tai ‘ina bubuna to‘umalina ‘i sinabwa bare‘uia, ta ‘atena ‘ina nuanua iauiauna ‘i to‘umali daita tuta iauiauna.

Salamo 101:5

Tauna gosiana i ‘awa to‘umali kwaiena, tauna ia da giesaoori: Tauna ma‘ana dunedune tu‘e ta ma‘ate gagasina gea‘abo ia da tagwarena.

Salamo 18:27

Tomota elo‘uia ‘u da ‘etoseedi ta ‘enega; Ta mata gagasa ‘u da gimwa‘utedi.

Salamo 27:8

‘Ena ‘u ona, ‘omi maninigu wa da ‘ebese; ‘ategu ‘i gwae ‘emuia, Ieoba, maniniio ia da ‘ebese. Maniniio gea‘abo ‘eguiega ‘u da kwaiena;

Salamo 36:1

To to‘umalina ‘ina li‘oa loina ‘i gwae ‘ategu gamwanaia, Nigea ‘e bweu Eaubada matausina matanaia.

Salamo 53:1

To euwauwa ni‘atu ‘i gwae ‘atenaia, Eaubada nigea ‘e bweu. Si to‘umali, ta bubuna bokobokona geiogeioi ni‘atu si guinua; Iage bobo‘ana ‘ana to‐guinua nigea ‘e bweu ‘i miami.

Salamo 73:11

Ta si gwae, Mwa‘adega Eaubada ‘i mwaramwaratoni? Ta sinasinapu ‘i miami nai To ‘Etana sana ‘enaia?

Si Apwesa 5:2

Ta Parao ‘i ona, Ieoba iaita, be ‘enega ‘enana ia da nono be Iseraela ia da giisine? Ieoba nigea ia mwaramwaratoni, ta wate gea‘abo Iseraela ia da giisinedi.

Isaia 2:11

Ta tai ‘ana ‘itatu‘eiao si da mia mwa‘uta, ta tai ‘idi gagasa ‘i da mia ‘opu‘opu, ta Ieoba tebweuna ‘i da miatu‘e asiata gote ‘enega.

Isaia 3:9

Maninidi ‘adi ‘ita tauna to‐‘ita ‘edia; ta ‘idi loegesi si simana Sodoma ‘atua, nigea si sa‘u kwaia. Oioi iaruiaruadi ‘enaia! Bubuna to‘umalina si e‘isa taudimo ‘edia ta ‘enega.

Isaia 59:7

‘Aedi si pilipili to‘umalina ‘ena, ta si lomanini be rara nigea to‘umalina si giedau: nuadi bubuna to‘umalina nuadiao; waborebore ta saoora ‘idi ‘edao ‘edia si miami.

Isaia 65:2

Asiata maibo‘ana nimaguao ia iasitoto tomota loguitoasa ‘edia, taudi ‘eda nigea bobo‘ana ‘enega si tautauia, taudi ‘idi nuanua nadigega: