Salamo 10:3 - Buki Tabu Lowaenei 1919

³ To to‘umalina ‘atena ‘ina nuanua ‘enega ‘i ona gagasa, Ta to iato‘ai Ieoba ‘i e‘idi‘idiena, tamo, ‘i sinarina.

Salamo 10:3 ပူးပေါင်းရင်းမြစ်များ

Salamo 35:21

Tamo, ‘awadi si ‘ebarina sinabwana ‘eguia; Si gwae, ‘Eeee! Eeee! matada ni‘atu i ‘itena.

Salamo 49:18

‘Ena maiawasina iaruiaruana i ‘awabobo‘anena, Ta tai si tuputupuio, ‘ena ‘u bubuna ‘ai‘aila tauio ‘emuia,

Salamo 49:6

Taudi ‘idi gwegwe ‘ena si ‘emisa, Ta si gagasa ‘idi oesi ‘ana iau manuna;

Salamo 5:6

Taudi si onakabokabo ‘u da giesaooridi: Tai rara ‘i giedau ta ‘i ekabokabo Ieoba geanuana.

Salamo 52:1

Tai waiwai ie! To‘ase manuna tauio ‘u tupumu wasegigi ‘enaia? Eaubada ‘ina nua‘ole‘ole ‘i mia ataia.

Salamo 94:4

Si onalimalimana, si ona gagasa; Bubuna bokobokona ‘ana toguinua iauiaudi si gagasa taudi.

Si Apwesa 15:9

Tarauwara ‘i gwae. Ia da muria, Ia da ‘ewa, gwegwe ia da ‘eguiai: ‘Igu gewagewana ‘i da maa ‘edia; ‘Igu sisi‐saia ia da lisilolona, nimagu ‘i da giesaooridi.

Isaia 37:23

Iaita ‘u ba‘ena ta ‘u ona besobeso‘ena? Ta iaita manuna ‘enaio ‘u gitu‘eiei ta matamuiega u ‘ita tu‘e tabwanaia? tuga Iseraela ‘ina Tabu Tebweuna ‘enaia.

Isaia 57:17

‘Ina iato‘ai ‘ina bubuna bokoboko manuna ia gamwasoara ta ia ununa, maninigu ia kwaiena ta ia gamwasoara: ta ‘i tauia sanasana‘ila ‘atena ‘ina bubuna ‘enega.

Loina 26:30

Ta ‘imi esenao si miamia tu‘e ia da loesaooridi, ta ‘imi tokwarui‐sinara ia da ‘ausepara mwa‘ute, ta ‘imi kokoa ia da ‘uledi ‘imi goamamea ‘idi kokoa ‘edia; ta iaruiaruagu ‘i da guitoasemi.