Ruta 2:4 - Buki Tabu Lowaenei 1919

⁴ Ta, wa ‘ita, Boasa ‘i mai Beteleemega, ta to sesoi ‘edia ‘i gwae, Ieoba ma‘emi wa da miami. Ta ‘ena si ona limana, Ieoba ‘i da ona obobomeio.

Ruta 2:4 ပူးပေါင်းရင်းမြစ်များ

Nugana 18:19

Ia mwaratonina ta ‘enega, be ‘enega natunao ta ‘ina susu murinaia ‘i da loinedi, be Ieoba ‘ina ‘eda si da ‘ita‘i‘isi, be bubuna ‘ai‘aila ta loina si da guinuei; be ‘enega Ieoba iage Aberaamo manuna ‘i gwae Aberaamo ‘ena ‘i da me‘ena.

Nugana 28:3

Ta Eaubada Toewaiwaisana ‘i da onaobobomeio, ta ‘i da bubuio be ‘u da uaua, ta ‘i da gieiauiemu, be ‘enega ‘u da e tomota mabodana;

Salamo 118:26

Tauna ‘i memai Ieoba ‘ana esanega ‘i da mia bobo‘ana: Ni‘atu ‘a onaobobomemi Ieoba ‘ina anuega.

Salamo 134:3

Ieoba ‘i da onaobobomeio Sionega; Tuga tauna garewa ta bare‘u ‘i mweruruidi.

Ruta 2:3

Ta ‘i tauia, ta ‘i mai ta to sesoi muridia baguraia ‘i lo‘ela‘elagana: ta Boasa ‘ina bagura ‘ana esena ‘i lobena, tauna Elimeleka ‘ina susu ‘enega.

Ruta 2:5

Ga Boasa ‘ina to‐guinua tauna to‐sesoi ‘adi to‘ita‘i‘ita ‘ena ‘i ona, Iaita gete ‘ina gomagweine?

Ruta 4:11

Ta tomota iauiaudi ‘eberugu ‘ena si miami, ta ‘inapwanao, si ‘ona, ‘Abo‘ama to‐‘itao. Waine nina ‘imu anua ‘ena ‘i mai Ieoba ‘i da bubuna be ‘i da nadigega Rakela ta nadigega Lea, siterua Iseraela ‘ina anua si ‘abina: ta ‘Eparata ‘ena ‘u da bubu ‘ai‘aila, ta Beteleema ‘ena ‘areio si da nono: