Nugana 35:29 - Buki Tabu Lowaenei 1919

²⁹ Ta Isaako iaruiaruana ‘i apwesa, ta ‘i mwawasa, ta ‘ina tomota ‘edia ‘i egogona, ‘i e tai sinabwa ta ‘ana tuta ‘i dudura: ta natunao me‘olotodi Esau ta Iakobo si sa‘una.

Nugana 35:29 ပူးပေါင်းရင်းမြစ်များ

Nugana 15:15

Ta ‘oio tubumuao ‘edia ‘u da tauia guguiega; ‘oio si da sa‘uio ‘ena ‘amu tuta ‘i dudura ‘ai‘aila.

Nugana 25:17

Ta getedi Isimaela iawasina ‘ana iakwarao, iakwara ‘e wan anaredi ta tati ta sebeni: ta iaruiaruana ‘i apwesa ta ‘i mwawasa; ta ‘ina tomota ‘edia ‘i miaegogona.

Nugana 27:41

Ta Esau nuana ‘i to‘umalina Iakobo ‘enaia onaoboboma ‘enega tamana ‘i onaonaobobomena manuna: ta Esau ‘atenega ‘i ona, ‘Asiata ‘ewabamu tamagu manuna ‘i abe; ga tasigu Iakobo ia da loemwawasina.

Nugana 3:19

maninio ‘ina amweai ‘enega masura ‘u da ‘e‘ai, ga bwa‘a ‘ena ‘u da ‘ila; ‘enega ‘u apwesama ta ‘enega: ‘oio nedila ta ‘enega, ta nedila ‘ena ‘u da ‘ila.

Nugana 37:35

Ta natunao me‘olotodi iauiaudi ta natunao mewainedi iauiaudi si tooro sabi gienuabobo‘anena; ta nuabobo‘ana geanuana; ta ‘i gwae, ‘Ari‘ari ‘ena ia da tauia ta ‘enega natugu ‘enaia ma‘igu dedoi. Ta tamana ‘i dedoi manuna.

Nugana 47:30

ta ‘ena ia ‘eno‘eno matubuguao, Aigupitoega ‘u da ‘a‘arigu, ta ‘adi ‘ari‘ari ‘ena ‘u da sa‘ugu. Ta ‘i gwae, Ia da guinua nadigega ‘u onaona.

Nugana 49:31

‘ena Aberaamo si sa‘una mwanena Sara ma‘ieana; ‘ena Isaako ta mwanena Rebeka si sa‘udi; ta ‘ena Lea ia sa‘una:

Nugana 49:33

Ta ni‘atu Iakobo natunao ‘i ematarua saronidi, ga ‘aena ‘i kokoma tu‘eiedi ‘ebe‘eno ‘enaia, ta iaruiaruana ‘i tagwarena, ta ‘ina tomota ‘edia ‘i mia egogona.