Loina 8:25 - Buki Tabu Lowaenei 1919

²⁵ Ta iapa i ‘ewena, iuiuna iapana be, iapa maibo‘ana dia ‘ena ‘i miami be, ‘ate ‘ana tana be, nuakwaia ‘e rua be, iapadi be, bwadaga ‘ataina be:

Loina 8:25 ပူးပေါင်းရင်းမြစ်များ

Si Apwesa 12:9

Gea‘abo mama‘ina ‘enega wa ‘e‘ani, nai ‘e‘ureni boasiega, ta gabugabuna aweiega; bulubuluna ta ‘aena be diana ma‘enao.

Si Apwesa 29:13

Ta iapa maibo‘ana diana ‘i bodena, ta tana ‘ate ‘enaia, ta nuakwaia ‘e rua, ta iapa ‘i miami ‘edia, ‘u da ‘ewedi, ta ‘ebetaria ‘ena ‘u da gabudi.

Isaia 53:10

Ta Ieoba nuana ‘i da ‘aue‘umulina; ‘ana ‘ateuiauia ‘i sa‘ui: ‘ena iaruiaruana ‘u bubuna be i ‘ebwaeadaita loegesi manuna, tubuna ‘i da ‘ita, ‘ana asiatao ‘i da gieduduri, ta Ieoba ‘ina ‘ebeguausoara ‘i da loeposeana nimanaia.

Loina 3:9

Ta ‘ebwaeadaita guguia ‘adi taria ‘enega ‘ebwaeadaita ‘i da ‘ebwaea aweiega Ieoba ‘enaia; iapana, iuiuna iapana maibo‘ana, ‘i da ‘ewena lulutouna serabenaia; ta iapa dia ‘i bodebodena, ta iapa maibo‘ana dia ‘ena ‘i miamiana,

Loina 8:24

Ta Aarona natunao ‘i me‘edi, ta Mose raraega tena ‘ataidi tupitupinaia ‘ena ‘i sa‘una, ta nima‐mataponidi ‘ataidi ‘enaia, ta ‘aemataponidi ‘ataidi ‘enaia: ta Mose rara ‘i siwaroro dadanena ‘ebetaria ‘enaia.

Loina 8:26

Ta palaua nigea malebeninamo makodona, tauna Ieoba matanaia ‘i miamiana, ‘enega keke nigea malebeninamo ‘e bweuna, keke palaua mabunamina ‘e bweuna ta, dedeana ‘e bweuna ta i ‘ewedi, ta iapa ‘ena ‘i sa‘udi, ta bwadaga ‘ataina ‘enaia: