Loina 8:21 - Buki Tabu Lowaenei 1919

²¹ Ta dia ta ‘aena i ‘utudi boasiega; ta Mose sipi me‘olotona maibo‘ana i gabuna ‘ebetaria ‘enaia: tauna ‘ebwaeadaita ‘ara‘arasina maina dibidibi manuna: tauna ‘ebwaeadaita si bubuna aweiega Ieoba ‘enaia; na‘ieana Ieoba ‘i ona Mose ‘enaia.

Loina 8:21 ပူးပေါင်းရင်းမြစ်များ

Nugana 8:21

Ta Ieoba maina dibidibina ‘i muina; ta Ieoba ‘atenega ‘i ona, gea‘abo wate bwa‘a ia da elialima tai manuna, tai ‘atena ‘ina nuanua ‘i to‘umalina ‘ina tubuauunuiega ta ‘enega; ta gea‘abo wate iage maiawasina iauna ia da unuunu lima na‘ieana ni‘atu ia guinuena.

Si Apwesa 12:9

Gea‘abo mama‘ina ‘enega wa ‘e‘ani, nai ‘e‘ureni boasiega, ta gabugabuna aweiega; bulubuluna ta ‘aena be diana ma‘enao.

Si Apwesa 29:18

Ta sipi me‘olotona maibo‘ana ‘u da gabuna ‘ebetaria ‘enaia: tauna ‘ebwaeadaita gabugabuna Ieoba ‘enaia: tauna maina dibidibina, ‘ebwaeadaita si bubuna ‘aweiega Ieoba ‘enaia.

Si Apwesa 40:16

Nadigega Mose ‘i guinua; na‘ieana iage iauiauna Ieoba ‘ena ‘i eona‘ena, na‘ieana ‘i guinuena.

Loina 1:13

Ta diana be ‘aena ‘i da ‘utudi boasiega: ta to taria maibo‘ana ‘i da ‘ebwaea, ta ‘i da gabuna ‘ebetaria ‘enaia: tauna ‘ebwaeadaita gabugabuna, ‘ebwaeadaita aweiega si bubuna, maina dibidibi Ieoba ‘enaia.

Loina 1:17

Ta papenega ‘i da giwaga, ta gea‘abo ‘i da ‘au‘auweara rue: ta to taria ‘i da gabuna ‘ebetaria ‘enaia, kaiwe ‘enaia tauna awe ‘ena ‘i miami; tauna ‘ebwaeadaita gabugabuna, ‘ebwaeadaita aweiega, maina dibidibina Ieoba ‘enaia.

Loina 1:9

Ta diana ta ‘aena ‘i da ‘utudi boasiega: ta to taria maibo‘ana ‘i da gabu ‘ebetaria ‘enaia, ‘ebwaeadaita gabugabu manuna, ‘ebwaeadaita awesabeluluiega si bubuna, maina dibidibi Ieoba ‘enaia.

Loina 2:9

Ta to taria ‘ebwaeadaita palaua ‘enega ‘ina ‘ebenua‘i‘isi ‘i da ‘ewena, ta ‘ebetaria ‘ena ‘i da gabuna: ‘ebwaeadaita aweiega, maina dibidibina Ieoba ‘enaia.

Loina 8:13

Ta Mose Aarona natunao ‘i me‘edi, ta kotu ‘ediega ‘i e‘oamedi, ta gadiwana ‘ediega ‘i elogadiwanidi, ta deba ‘ana ‘ebepaima ‘edia ‘i losipwena; na‘ieana Ieoba ‘i ona Mose ‘enaia.

Loina 8:9

Ta debanaia peaula ‘i sa‘una; ta peaula ‘enaia, matanaia, pelete gola ‘i sa‘una, peaula ‘esasena tabu; na‘ieana Ieoba ‘i ona Mose ‘enaia.