Loina 6:6 - Buki Tabu Lowaenei 1919

⁶ Ta ‘ina to‘umalina ‘ana ‘ebwaeadaita ‘i da me‘ena Ieoba ‘enaia, iau ‘enega sipi me‘olotona nigea ma‘ina to‘umalina, na‘ieana ‘imu sawa, to‘umalina ‘ana ‘ebwaeadaita, to‐taria ‘enaia.

Loina 6:6 ပူးပေါင်းရင်းမြစ်များ

Loina 14:12

Ta to‐taria lami me‘olotona ‘e bweuna ‘i da ‘ewa, ta ‘i da ‘ebwaea‘ena to‘umalina ‘ana ‘ebwaeadaita manuna, ta keiga bunama, ta ‘i da lo‘uio‘edi ‘ebwaeadaita ‘elo‘uia manuna Ieoba matanaia;

Loina 5:15

‘Abo ‘e bweu tomota to‘umalina ‘i guinuei, ta ‘i loegesi mwagemwagena, Ieoba ‘ina iage tabu ‘edia; ga ‘ina to‘umali ‘ana ‘ebwaeadaita ‘i da me‘ena Ieoba ‘enaia, sipi me‘olotona iau ‘enega nigea ma‘ina to‘umalinamo, na‘ieana ‘imu sawa sileba ‘ena sekeliega, anua tabu ‘ina sekeli ‘atua, to‘umalina ‘ana ‘ebwaeadaita manuna:

Loina 5:18

Ta iau ‘enega sipi me‘olotona nigea ma‘ina to‘umalinamo ‘i da me‘ena, na‘ieana ‘imu sawa, to‘umalina ‘ana ‘ebwaeadaita, to‐taria ‘enaia: ta to‐taria ‘i da gienua‘ebweu manuna iage ‘enega ‘i loegesi mwagemwagena ga nigea ‘i mwaratonina leleana, ta ‘ina to‘umalina ‘i da kweuna.

Loina 5:7

Ta ‘abo ‘ina gwegwe nigea lami ‘i sawesawenaia, ga ‘ina to‘umalina ‘ana ‘ebwaeadaita ‘i da me‘ena iage ni‘atu ‘i loegesi ‘enega manuna, bunetutu ‘e rua, nai bunebune menonoiadi ‘e rua, Ieoba ‘enaia; ‘e bweu to‘umalina ‘ana ‘ebwaeadaita manuna, ta ‘e ruena ‘ebwaeadaita gabugabuna manuna.