24 Ta Ieoba ‘i ona Mose ‘enaia, ‘i gwae,
To‘ase manuna loegesi ‘ana ‘ebwaeadaita nigea wa ‘e‘ani anua tabu ‘ina esena ‘enaia, i ‘e etabu sana ta ‘enega, ta ni‘atu i ‘ebwaemi be boda ‘idi bubuna bokobokona wa da ‘a‘ari, sabi gienua‘ebweu manudi Ieoba matanaia?
Ta lami me‘olotona ‘i da loemwawasina esena nina ‘ena loegesi ‘ana ‘ebwaeadaita ta ‘ebwaeadaita gabugabu si loemwawasidi, anua tabu ‘ana esena ‘enaia; na‘ieana loegesi ‘ana ‘ebwaeadaita to‐taria ‘ina iage, na‘ieana ta ‘enega to‘umalina ‘ana ‘ebwaeadaita: ‘i etabuna sana:
Ta to‐taria ‘ina ‘ebwaeadaita rabia iauna si da gabuna: gea‘abo si da ‘e‘ani.
Aarona ta natunao ‘edia ‘u da ona, ‘u da gwae, Gete loegesi ‘ana ‘ebwaeadaita ‘ana loina: esena ‘ena ‘ebwaeadaita gabugabu si ununa ‘ena loegesi ‘ana ‘ebwaeadaita si da ununa Ieoba matanaia: tauna ‘i tabu wawasae.
