Loina 5:11 - Buki Tabu Lowaenei 1919

¹¹ Ta ‘abo ‘ina gwegwe nigea bunetutu ‘e rua ‘i sawesawenaia, nai bunebune menonoiadi ‘e rua, ga ‘ina ‘ebwaeadaita iage ‘enega ni‘atu ‘i loegesi manuna ‘i da me‘ena, palaua ‘esasena epa ‘ana ‘upwa ‘e sanauna loegesi ‘ana ‘ebwaeadaita manuna; gea‘abo bunama ‘ena ‘i sa‘usa‘u, nai mu‘ana ‘e bweuna ‘enaia: tauna loegesi ‘ana ‘ebwaeadaita manuna.

Loina 5:11 ပူးပေါင်းရင်းမြစ်များ

Si Apwesa 16:18

Ta nia‘tu si ‘etopwapwa omerega, ga tauna ‘i egogona sinabwana nigea ‘e bweu ‘i tupwa, ta tauna ‘i egogona gidarina nigea ‘i lokakae; si egogona tai ‘e bweuna ‘e bweuna na‘ieana ‘ina ‘e‘ai.

Si Apwesa 16:36

Ta omera epa ‘ana sanauna.

Loina 1:14

Ta ‘abo ‘ina ‘ebwaeadaita Ieoba ‘enaia ‘i da ‘ebwaeadaita manua ‘ediega, ga ‘ina ‘ebwaeadaita bunetutu ‘i da ‘ebwaea, nai bunebune menonoiadi.

Loina 12:8

Ta ‘abo ‘ina gwegwe nigea lami sawesawenaia, ga bunetutu ‘e rua ‘i da ‘ewa, nai bunebune menonoiadi ‘e rua; ‘e bweuna ‘ebwaeadaita gabugabuna manuna, ta ‘e ruena loegesi ‘ana ‘ebwaeadaita manuna: ta to‐taria ‘i da gienua‐‘ebweu manuna, ta ‘i da ‘esasena.

Loina 14:21

Ta ‘abo ‘i gomabeso, ta nigea ‘i da ‘ewa nadigega, ga lami me‘olotona ‘e bweuna ‘i da ‘ewena to‘umalina ‘ana ‘ebwaeadaita manuna be ‘i da lo‘uio, sabi gienua‐‘ebweu manuna, ta palaua ‘esasena epa ‘ana ‘upwasanau ‘e bweuna bunama ma‘ieana si ilienoenowena ‘ebwaeadaita rabia manuna, ta bunama makeigana ‘e bweuna;

Loina 27:8

Ta ‘abo ‘imu sawa ‘i sinabwa ta ‘ina gwegwe gidarina, ga to taria matanaia si da sa‘u, ta to taria iage sawesawenaia ‘i da ‘inana; na‘ieana tauna ‘i ona‘upa‘upa ‘ina waiwai na‘ieana to taria iage sawesawenaia ‘i da ‘inana.

Loina 5:12

Ta totaria ‘ena ‘i da me‘ena, ta to‐taria tauna nimanega ‘i da sapwari ‘i da ‘ewena ‘ana ‘ebenua‘i‘isi manuna, ta ‘ebetaria ‘ena ‘i da gabuna, Ieoba ‘ana ‘ebwaeadaita aweiega ‘edia: tauna loegesi ‘ana ‘ebwaeadaita.

Loina 5:6

Ta ‘ina to‘umalina ‘ana ‘ebwaeadaita ‘i da me‘ena Ieoba ‘enaia ‘ina loegesi ‘enega ‘i loeloegesi manuna, mewainena iau ‘enega, nai lami nai gota, loegesi ‘ana ‘ebwaeadaita manuna; ta to‐taria ‘i da gienua‘ebweu manuna ‘ina loegesi leleana.

Loina 5:9

Ta loegesi ‘ana ‘ebwaeadaita rarana ‘enega ‘ebetaria naanaana ‘i da loseuseula; ta rara ‘i tupwatupwa ‘i da dau ‘ebetaria ‘aena ‘enaia: tauna loegesi ‘ana ‘ebwaeadaita.

Loina 6:20

Gete Aarona ta natunao ‘idi ‘ebwaeadaita, tauna si da ‘ebwaea Ieoba ‘enaia asiata nina ‘enega si eorona; palaua ‘esasena ‘enega epa ‘ana sanauna ‘ebwaeadaita rabia tuta iauiauna manuna, ‘ana‘upwaruena gonagonaia, ta ‘ana ‘upwa‐ruena asuinuanuaia.