Loina 4:26 - Buki Tabu Lowaenei 1919

²⁶ Ta iapana maibo‘ana ‘i da gabu ‘ebetaria ‘enaia, na‘ieana ‘ebwaeadaita guguia ‘adi taria iapana: ta to‐taria ‘i da gienua‘ebweu manuna na‘ieana ‘ina loegesi manuna, ta Ieoba nuana ‘i da bobo‘ana ‘enaia.

Loina 4:26 ပူးပေါင်းရင်းမြစ်များ

Loina 1:4

Ta nimana ‘i da sa‘u ‘ebwaeadaita gabugabu debanaia; ta manuna si da ‘au‘ewena sabi gienua‘ebweuna manuna.

Loina 12:8

Ta ‘abo ‘ina gwegwe nigea lami sawesawenaia, ga bunetutu ‘e rua ‘i da ‘ewa, nai bunebune menonoiadi ‘e rua; ‘e bweuna ‘ebwaeadaita gabugabuna manuna, ta ‘e ruena loegesi ‘ana ‘ebwaeadaita manuna: ta to‐taria ‘i da gienua‐‘ebweu manuna, ta ‘i da ‘esasena.

Loina 14:18

Ta bunama tupwana tauna to‐gitaria nimana ‘ena ‘i miami tauna ‘i abe i ‘esasa debanaia ‘i da sa‘u: ta to‐taria ‘i da gienua‘ebweu manuna Ieoba matanaia.

Loina 15:15

Ta to‐taria ‘i da ‘ebwaea‘edi, ‘e bweuna loegesi ‘ana ‘ebwaeadaita manuna, ta ‘e ruena ‘ebwaeadaita gabugabu manuna; ta to‐taria ‘i da gienua‘ebweu manuna Ieoba matanaia ‘ana daudau manuna.

Loina 17:11

Esio iawasina rara ‘enaia ta ‘enega: ta ni‘atu ia ‘ebwaea‘ena ‘emia ‘ebetaria ‘enaia sabi gienua‘ebweuna iaruiaruami manudi: rara ‘i gienua‘ebweuna iawasina manuna ta ‘enega.

Loina 19:22

Ta to‐taria ‘i da gienua‘e bweu manuna to‘umalina ‘ana ‘ebwaeadaita sipina me‘olotona ‘enega Ieoba matanaia ‘ina loegesi ni‘atu ‘i loegesiei manuna: ta ‘ina loegesi ni‘atu ‘i loegesiei manuna ‘i da kweu.

Loina 3:5

Ta Aarona natunao me‘olotodi si da gabuna ‘ebetaria ‘enaia ‘ebwaeadaita gabugabu ‘enaia, tauna kaiwe ‘ena ‘i miami tauna awe sabelulu ‘ena ‘i miami: tauna ‘ebwaeadaita aweiega, maina dibidibina Ieoba ‘enaia.

Loina 4:19

Ta iapana maibo‘ana ‘enega ‘i da ‘ewena, ta ‘ebetaria ‘ena ‘i da gabuna.

Loina 4:20

Gote nadigega ‘i da guinua bulomakau ‘enaia; na‘ieana ‘i guinua loegesi ‘ana ‘ebwaeadaita ‘ina bulomakau manuna, na‘ieana gete ‘ena ‘i da guinua: ta to‐taria ‘i da gienua‘ebweu manudi, ta Ieoba nuana ‘i da bobo‘ana ‘edia.

Loina 4:31

Ta iapana maibo‘ana ‘i da ‘ewa iaulei, na‘ieana iapa si ‘ewena ‘ebwaeadaita guguia ‘adi taria ‘enega; ta to‐taria ‘i da gabuna ‘ebetaria ‘enaia maina dibidibi Ieoba ‘enaia manuna; ta to‐taria ‘i da gienua‘ebweu manuna, ta Ieoba nuana ‘i da bobo‘ana ‘enaia.

Loina 4:35

Ta iapana maibo‘ana ‘i da ‘ewa iaulei, na‘ieana lami iapana si ‘ewena ‘ebwaeadaita guguia ‘adi taria ‘enega; ta to‐taria ‘ebetaria ‘ena ‘i da gabudi, Ieoba ‘ana ‘ebwaeadaita ‘aweiega ‘edia: ta to‐taria manuna ‘i da gienua‘ebweu ‘ina loegesi ni‘atu ‘i loeloegesiena manuna, ta Ieoba nuana ‘i da bobo‘ana ‘enaia.

Loina 5:10

Ta ‘e ruena ‘i da sa‘u ‘ai‘aili ‘ebwaeadaita gabugabu manuna, loina na‘ieana: ta to‐taria ‘i da gienua‐‘ebweu manuna ‘ina loegesi ni‘atu ‘i loegesiena leleana, ta ‘ina to‘umalina ‘i da kweuna.

Loina 5:13

Ta totaria ‘i da gienua‘ebweu manuna ‘ina loegesi ni‘atu ‘i loegesiena iage getedi ‘ebweuna ‘edia leleana, ta ‘ina to‘umalina ‘i da kweuna: ta iage ‘i tupwa ‘i da e to‐taria ‘ina iage, na‘ieana ‘ebwaeadaita palaua.

Loina 5:16

Ta iage tabu ‘ena ‘i loegesi manuna ‘i da e‘isa, ta ‘ana weara ‘e nimana ‘i da sa‘u epopo ‘enaia, ta to‐taria ‘ena ‘i da ‘ebwaea‘ena: ta to‐taria ‘i da gienua‘ebweu manuna to‘umalina ‘ana ‘ebwaeadaita sipina me‘olotona ‘enega, ta ‘ina to‘umalina ‘i da kweuna.

Loina 5:18

Ta iau ‘enega sipi me‘olotona nigea ma‘ina to‘umalinamo ‘i da me‘ena, na‘ieana ‘imu sawa, to‘umalina ‘ana ‘ebwaeadaita, to‐taria ‘enaia: ta to‐taria ‘i da gienua‘ebweu manuna iage ‘enega ‘i loegesi mwagemwagena ga nigea ‘i mwaratonina leleana, ta ‘ina to‘umalina ‘i da kweuna.

Loina 6:7

Ta to‐taria ‘i da gienua‘ebweu manuna Ieoba matanaia, ta ‘ina to‘umalina ‘i da kweuna; to‘ase nai ‘i guinua ga ‘enega ‘i to‘umalina leleana.