Loina 26:6 - Buki Tabu Lowaenei 1919

⁶ Ta guguia ia da sa‘u ‘asaia, ta wa da ‘eno, ta gea‘abo ‘e bweu ‘i da giematautemi: ta ia da loina be bosasa to‘umalina si da gumwara ‘asega, ta sisisaia gea‘abo ‘imi ‘asa ‘i da rubware.

Loina 26:6 ပူးပေါင်းရင်းမြစ်များ

Salamo 144:14

‘Ena ‘ida bulomakau ‘adi ‘a‘ara sinabwana; ‘Ena nigea ‘e bweu ‘i weara rugu, ta nigea ‘e bweu ‘i apweapwesa, Ta nigea ‘e bweu bwau olilisana ‘edao ‘edia;

Salamo 147:14

Guguia ‘i bubuna ‘imu raba ‘edia; Witi bobo‘ai‘ailina ‘enega ‘i loemaemu.

Salamo 29:11

Ieoba waiwai ‘i da ‘ebwaea ‘ina tomota ‘edia; Ieoba tomota ‘i da obobomedi guguiega.

Salamo 3:5

Ia ‘eno ‘eno ga ia ‘enomwataia; Ia tooro; Ieoba ‘i lemegu ta ‘enega.

Salamo 4:8

Guguia ‘ena ia da ‘eno‘eno ta ia da ‘enomwataia ruarua: Tebweuio, Ieoba, ‘u bubuna ‘ai‘ailegu ga ia mia ‘ai‘aila.

Salamo 85:8

Iage Eaubada Ieoba ‘i da one ia da nonona: ‘I da ona guguia ‘ina tomota ‘edia ta ‘enega, ta ‘ina to ‘esasena ‘edia: Ta gea‘abo si sanasana‘ila limana euwauwa ‘enaia.

Si Apwesa 23:29

Nigea ia da pa‘i iauledi matamuiega iakwara ‘e bweuna ‘enega; nai ‘asa ‘i waborebore, ta bomitawa si da eiau matamuia.

Isaia 35:8

Ta ‘eda sinabwana ‘ena ‘i da miami, ta ‘eda, ta si da eesena, Iaruiarua esasena ‘ana ‘eda; Baibailidi gea‘abo ‘ena si da etaona; ta tauna taudi manudi: tai to tauia gesi, tamo uwauwadi, gea‘abo ‘ena si da loegesi.

Isaia 35:9

Nigea ‘e bweu laione ‘ena ‘i da miami, nai ‘e bweu iobai bosasa ‘ena ‘i da tu‘e, gea‘abo ‘ena si da lobedi; ta taudi si ‘ewalimedi ‘ena si da tauia:

Isaia 45:7

Ma‘edana ia bubuna, ta guguioi ia mweruruina; guguia ia bubuna, ta to‘umalina ia mweruruina; ‘Abo‘agu Ieoba, tauna iage iauiauna getedi ‘i guinuedi.

Isaia 9:7

‘Ina Loina ‘ana sinabwa ta guguia ‘ana sinabwa nigea ‘e bweu ‘ana ‘ebelosaroni, Dabida ‘ina ebemi‐esaesa ‘enaia, ta ‘ina ‘ebeloina ‘enaia, sabi giepa‘arina, ta sabi giiaina etaraiega ta bubuna paruparuiega gete ‘enega ga tuta ‘ataiamo. Bodao ‘idi Ieoba ‘ina waiwai iage gete ‘i da guinuena.

Loina 25:18

Ta ‘enega ‘igu loina tomwanao ‘u da guinuedi, ta ‘igu loinaiao ‘u da ‘ita‘i‘isidi be ‘u da guinuedi; ta ‘asa ‘ena wa da mia guguia.

Loina 25:19

Ta ‘asa uana ‘i da uaua, ta wa da ‘e‘ai ga sawesawemia, ta ‘ena wa da mia guguia.

Loina 26:22

Ta mitawa ‘ina bosasa ia da etunena ‘emia, taudi natumiao si da ‘oaemi, ta ‘imi bulomakau si da loesawaridi, ta ‘ami iau si da loesaesapulelena; ta ‘imi ‘edao si da waborebore.

Loina 26:25

Ta sisi‐saia ia da me‘ena ‘emia, tauna ‘ona‘upa‘upa ‘ina e‘isa ‘i da iagena; ta wa da egogona ‘imi ‘asa soradia: ta muia ia da etunena ‘emia; ta tarauwara nimanaia ia da tagwaremi.

Loina 26:7

Ta ‘ami tarauwarao wa da pa‘idi, ta sisi‐saiega si da be‘u matamiega.