Loina 20:16 - Buki Tabu Lowaenei 1919

¹⁶ Ta ‘abo waine lagolagowa ‘ena ‘i nao, ta ‘ena i ‘eno, waine nina ‘u da loemwawasina, ta lagolagowa nina: si da loemwawasa‘ai‘ailidi; raradi ‘edia si da miami.

Loina 20:16 ပူးပေါင်းရင်းမြစ်များ

Si Apwesa 19:13

Gea‘abo ‘e bweu ‘i da gitoona, ta si da lo‘ibwa‘ibwa ‘ai‘ailina, nai gitega si da esasa‘a; nai bulomakau nai tomota, gea‘abo ‘i da bobo‘ana: ‘ena ioguli ‘i dedo dudurana, ‘ena si da tu‘ema ‘oeaia.

Si Apwesa 21:28

Ta ‘abo bulomakau tai nai waine ‘i badina, ga si mwawasa, bulomakau wa da lo‘ibwe‘ibwena, ta esiona gea‘abo si da ‘e‘ani; ta toni bulomakau ‘i da bobo‘ana.

Si Apwesa 21:32

‘Abo bulomakau toguinua me‘olotona nai toguinua mewainena ‘i badina; ‘idi ‘inapwana ‘ena sekeli sileba e tati ‘i da ‘ebwaea, ta bulomakau si da lo‘ibwe‘ibwena.

Si Apwesa 22:19

Tauna iobai ma‘ieana i ‘eno‘eno wa da loemwawasa ‘ai‘aila.

Loina 18:23

Ta gea‘abo lagolagowa ‘e bweu ma‘ieana ‘u da ‘eno be ‘u giebailimu ma‘ieana: wate gea‘abo ‘e bweu waine lagolagowa matanaia ‘i da tooro, sabi ‘eno ‘enaia; tauna ‘ebeomaiamaia.

Loina 20:15

Ta ‘abo tai lagolagowa ma‘ieana si ‘eno, si da loemwawasa‘ai‘ailina: ta lagolagowa wa da loemwawasina.

Loina 20:17

Ta ‘abo tai nuuna i ‘ewena, tamana natuna, nai sinana natuna, ta bubugewana i ‘itena, ta tauna waine nina bubugewana i ‘itena; tauna ‘ebeomaiamaia; ta si da ‘upwa‐iauledi ‘idi tomota natudiao matadia; nuuna bubugewana ‘ana ‘aubodaboda i ‘ewena; ‘ina bubuna bokobokona ‘i da ‘a‘ari.