Loina 2:4 - Buki Tabu Lowaenei 1919

⁴ Ta ‘ena ‘ebwaeadaita palaua umura ‘ena si gabuna ‘ana ‘ebwaeadaita u ‘ebwaea, ‘i da e keke nigea malebeninamo palaua ‘esasena bunama ma‘ieana si ilienoenowena, nai iage dedeadi nigea malebenidimo bunamega si bunamina.

Loina 2:4 ပူးပေါင်းရင်းမြစ်များ

Salamo 22:14

Boasi ‘atua ia daudau, Ta lulugu iauiaudi ‘idi tubwe si mia geiogeioi: ‘Ategu gweda nadigega; Diagu soranaia ‘i doga.

Si Apwesa 12:8

Ta boiboi nina esiona si da ‘ani, gabugabuna aweiega, ta palaua nigea malebeninamo; pai darerena ma‘ieana si da ‘enina.

Si Apwesa 16:31

Ta Iseraela ‘ina susu ‘ana esana si ‘inana Mana: ta ‘i nadigega koriana ‘atuna, buraburana; ta ‘ana lotoona ‘atua keke dedeana oniega si bubuna.

Si Apwesa 29:2

ta palaua nigea malebeninamo keke nigea malebeninamo si ilia bunama ma‘ieana, ta iage dedeadi nigea malebeninamo si bunabunamina: palaua witi matagidarina ‘enega ‘u da bubudi.

Isaia 42:1

‘Igu ‘ari‘e wa da ‘ita, tauna a gi‘ete; ‘agu ‘esi‘esinua, tauna ‘ena iaruiaruagu ‘i guausoara: iaruiaruagu ia sa‘u ‘enaia; etara ‘i da me‘ena ‘Asa‐apwesa ‘edia.

Isaia 61:1

‘Inapwana Eaubada iaruiaruana ‘eguia; Ieoba ‘i eoroigu ta ‘enega be tetera bobo‘ana ia da guguiaei gomabeso ‘edia: i ‘etunegu be ‘ate‘e‘episaridi ia da paimidi, ‘etoli‘ama ia da guguiaei ioniionidi ‘edia, ta anua‘ebeiona ‘ana gigege taudi si losipwedi ‘edia;

Loina 1:11

Ta ‘i da loemwawasina ‘ebetaria ‘ana esena iaarata ‘enaia Ieoba matanaia: ta Aarona natunao me‘olotodi, to taria nidi, rarana si da loseuseula dadana ‘ebetaria ‘enaia.

Loina 10:12

Ta Mose ‘i ona Aarona ‘enaia, ta Eleasara ‘enaia ta Itamara ‘enaia, natunao me‘olotodi si tupwatupwa, ‘Ebwaeadaita rabia Ieoba ‘ana ‘ebwaeadaita si bubuna aweiega ‘ediega ‘i tupwatupwa, wa da ‘ewena, ta wa da ‘enina nigea malebeninamo ‘ebetaria deinaia; tauna i ‘e etabu sana ta ‘enega:

Loina 6:17

Gea‘abo si gabugabu lebeniega. Ni‘atu ia ‘ebwaea‘ena be ‘idi egueguia ‘agu ‘ebwaeadaita aweiega si bubudi ‘ediega; tauna ‘i e tabu wawasae, loegesi ‘ana ‘ebwaeadaita manuna, ta to‘umalina ‘ana ‘ebwaeadaita manuna.

Loina 7:12

‘Abo i ‘ebwaea lokagutoki manuna, ga ‘i da ‘ebwaea lokagutoki ‘ana taria ma‘ieana keke nigea‐ma‐lebenidimo si ilienoenowena bunama ma‘ieana, ta dedeadi nigea‐ma‐lebenidimo bunamega si siwarorodi, ta keke si ilienoenowena bunama ma‘ieana, palaua ‘esasena ‘i pwasapwasana ‘enega.