Loina 2:3 - Buki Tabu Lowaenei 1919

³ Ta ‘ebwaeadaita palaua ‘i tupwatupwa tauna ‘i da Aarona ‘ana iage ta natunao ‘adi iage: tauna iage tabu wawasae Ieoba ‘ana ‘ebwaeadaita aweiega ‘ediega.

Loina 2:3 ပူးပေါင်းရင်းမြစ်များ

Si Apwesa 29:37

Asiata ‘e sebeni ‘u da ginua‘ebweu ‘ebetaria manuna, ta ‘u da etabuna: ta ‘ebetaria ‘i da etabu wawasae; to‘ase nai ‘ebetaria ‘i gitoona ‘i da tabu.

Loina 10:15

Bwadaga gilagilasina ta lumaluma lo‘uio‘uiona si da me‘edi ‘ebwaeadaita si bubuna aweiega iapana ma‘edi, sabi lo‘uio‘ena ‘ebwaeadaita lo‘uio Ieoba matanaia: ta ‘i da ‘imu iage, ta natumuao ma‘emuao, ‘egu‘eguiai ataia; na‘ieana Ieoba ni‘atu ‘i ona.

Loina 14:13

Ta lami me‘olotona ‘i da loemwawasina esena nina ‘ena loegesi ‘ana ‘ebwaeadaita ta ‘ebwaeadaita gabugabu si loemwawasidi, anua tabu ‘ana esena ‘enaia; na‘ieana loegesi ‘ana ‘ebwaeadaita to‐taria ‘ina iage, na‘ieana ta ‘enega to‘umalina ‘ana ‘ebwaeadaita: ‘i etabuna sana:

Loina 2:10

Ta tauna ‘i tupwatupwa ‘ebwaeadaita palaua ‘enega ‘i da Aarona ‘ina iage ta natunao ‘idi iage: tauna iage tabu wawasae Ieoba ‘ana ‘ebwaeadaita aweiega ‘ediega.

Loina 21:22

‘Ina Eaubada ‘ana palaua ‘i da ‘e‘ani, ruarua tauna ‘i tabu to sinabwasana ‘enega, ta tauna ‘i tabu ‘enega.

Loina 5:13

Ta totaria ‘i da gienua‘ebweu manuna ‘ina loegesi ni‘atu ‘i loegesiena iage getedi ‘ebweuna ‘edia leleana, ta ‘ina to‘umalina ‘i da kweuna: ta iage ‘i tupwa ‘i da e to‐taria ‘ina iage, na‘ieana ‘ebwaeadaita palaua.

Loina 6:26

Tauna to‐taria loegesi manuna i ‘ebwaea‘ena tauna ‘i da ‘enina; esena tabu ‘ena si da ‘e‘ani, anua ‘ebeeloba ‘atamanina ‘enaia.

Loina 6:9

Aarona ta natunao ‘edia ‘u da ona, ‘u da gwae, Gete ‘ebwaeadaita‐gabugabu ‘ana loina: ‘ebwaeadaita gabugabu nina ‘ana kaiwe ‘ebetaria ‘enaia ‘ena ‘i da mia masari ga gonagonaia; ta ‘ebetaria ‘ana awe ‘ena ‘i da ‘ara‘arata ‘ataia.

Loina 7:7

Na‘ieana loegesi ‘ana ‘ebwaeadaita, na‘ieana to‘umalina ‘ana ‘ebwaeadaita: ‘e bweu loina manudi: to‐taria ‘i da gienua‘ebweu ‘enega, tauna ‘i da ‘ewena.

Loina 7:9

Ta ‘ebwaeadaita rabia iauna si gabuna umura ‘enaia, ta iauna si guinuena tega ‘enaia, ta ‘ebegabu ‘ana disi ‘enaia, tauna to‐taria i ‘ebwaea‘ena ‘ina iage.