Loina 19:12 - Buki Tabu Lowaenei 1919

¹² Ta gea‘abo ‘agu esanega wa onaona‘upa‘upa kabokabo, be nadigega ‘imu Eaubada ‘ana esana wa gibesobeso: ‘Abo‘agu Ieoba.

Loina 19:12 ပူးပေါင်းရင်းမြစ်များ

Salamo 15:4

Tauna matanaia to guitoasa ‘i sinarina; Ta taudi Ieoba si matautena i ‘amaiabedi. Tauna ona‐‘upa‘upa manuna i ‘elo‘uia, ta nigea ‘i gibuni.

Si Apwesa 20:7

Ieoba ‘imu Eaubada ‘ana esana gea‘abo u ‘inana besobeso; Ieoba tauna ‘ana esana i ‘inana besobeso gea‘abo ‘i da ‘awabobo‘anena.

Isaia 48:1

Iakobo ‘ina susu ie, gete wa da nono, taudi ‘adi esana Iseraela, ta Iuda ‘ina boasiao ‘ediega si apwesama; taudi si ona‘upa‘upa Ieoba ‘ana esanega, ta Iseraela ‘ina Eaubada si ‘inana, ta nigea ona ‘ai‘ailega, nai bubuna paruparuiega.

Loina 18:21

Ta gea‘abo tubumuao ‘ediega ‘e bweu ‘u da ‘ebwaea be Moleka ‘ena awesabelulu si rubwarena, ta gea‘abo ‘imu Eaubada ‘ana esana ‘u da ‘ina‘inana besobeso: ‘Abo‘agu Ieoba.

Loina 20:3

‘Abo‘agu wate maninigu ia da sa‘u tai gote matanaia, ta ia da ‘upwa iaulena ‘ina tomota ‘ediega; tubunao ‘ediega i ‘ebwaea‘edi Moleka ‘ena ta ‘enega, be ‘igu anua tabu ‘i giebaili, ta ‘agu esana tabu ‘i da gibesobeso.

Loina 24:11

Ta Iseraela wainena natuna Esana Nina i ‘inana besobesona, ta ‘i elia: ta si me‘ena Mose ‘enaia. Ta sinana ‘ana ‘esana Selomita, Dibiri natuna, Dana ‘ina susu ‘enega.

Loina 6:3

Nai iage si loseena ‘i lobena, ta ‘enega ‘i bubuna kabokabo, ta ‘onakabokaboegu ‘i ona‘upa‘upa; iage getedi iauiaudi ‘e bweuna ‘ediega tai ‘i guinuena, ‘edia ‘i loegesi: