Loina 18:29 - Buki Tabu Lowaenei 1919

²⁹ Tauna iage gadilulu getedi ‘e bweuna ‘i da guiguinue, tugama iaruiarua si guinuedi si da ‘upwa iauledi ‘idi tomota ‘ediega.

Loina 18:29 ပူးပေါင်းရင်းမြစ်များ

Si Apwesa 12:15

Asiata e sebeni palaua nigea malebeninamo wa da ‘e‘ai; gimi asiata ‘enega lebeni wa da ‘ewa iaulei ‘imi anua ‘ediega: tauna palaua malebeni i ‘e‘ani gimi asiata ‘enega ga asiata e sebeni nina, tai maiawasina gote Iseraelega si da ‘upwaiaulena.

Si Apwesa 30:33

Tauna ‘e bweu nadigega ‘i iagena, nai tauna ‘enega ‘e bweuna ‘i sa‘u to‘u‘umara ‘enaia, ‘ina tomota ‘ediega si da ‘upwaiaulena.

Loina 17:10

Ta tauna tai Iseraela ‘ina susu ‘enega, nai to‘u‘umara ‘edia si miami ‘ediega, tauna rara ‘e bweuna i ‘e‘ai; matagu ia da giedumaduma iaruiarua gote rara i ‘e‘ai ‘enaia, ta ia da ‘upwena ‘ina tomota ‘ediega.

Loina 18:28

Be ‘enega gea‘abo ‘asa ‘i da maimaiwemi wate, ‘ena wa giebailena, na‘ieana ‘ebeloina ‘i nuganuganemi ‘i maiwena.

Loina 18:30

Ta ‘enega ‘igu ematarua wa da ‘ita‘i‘isi, be ‘enega bubuna gadilulu getedi gea‘abo ‘e bweu wa da guiguinue, taudi si guinua nuganemi, ta ‘enega gea‘abo wa da giebailemi ‘ediega: ‘Abo‘agu Ieoba ‘imi Eaubada.

Loina 20:6

Ta iaruiarua ‘i sana‘ila taudi maiaruiarua besobesodi ‘edia, ta to barau ‘edia, sabi muriedi sogara manuna, maninigu ia da sa‘u iaruiarua gote matanaia, ta ia da ‘upwa‐iaulena ‘ina tomota ‘ediega.

Loina 7:20

Ta iaruiarua ‘ebwaeadaita guguia ‘adi taria esiona ‘enega i ‘e‘ai, tauna Ieoba ‘ina iage, ta ma‘ina nigea‘esasena, iaruiarua gote ‘ina tomota ‘ediega si da ‘upwena.

Loina 7:21

Ta ‘ena tai ‘e bweu iage nigea‐‘esasena ‘i gitoona, tai ‘ina nigea‐‘esasena, nai bomitawa nigea‐‘esasena, nai lage gadilulu nigea‐‘esasena, ta ‘ebwaeadaita guguia ‘ana taria esiona ‘enega i ‘e‘ai, tauna Ieoba ‘ina iage, iaruiarua gote ‘ina tomota ‘ediega si da upwena.