Loina 16:29 - Buki Tabu Lowaenei 1919

²⁹ Ta ‘i da loina ataia ‘emia: nawarae ‘e sebeni ‘enaia, nawarae nina ‘ina asiata ‘e teni nina ‘enega, iawasimi wa da giemwauiedi, ta gea‘abo ‘e bweu guinua ‘ina bubuna wa da guinuei, to tubua ‘asaia, nai to‘u‘umara ‘i miamia gamwagamwanimia:

Loina 16:29 ပူးပေါင်းရင်းမြစ်များ

Salamo 35:13

Ta ‘abo‘agu manugu, ‘ena si le‘oasa, ‘agu ‘oama ‘i e‘oama ‘oausa: Iaruiaruagu ‘ina elo‘uia ia sa‘una edidigura manuna; Ta ‘igu sidasida i ‘ilama lumalumagu taugu ‘enaia.

Salamo 69:10

‘Ena ia dedoi, ta iaruiaruagu ia sapina edidigurega, Gote ‘agu sinara.

Si Apwesa 12:16

Ta gimi asiata ‘enega deriegogona tabu ‘e bweu ‘i da miami ‘emia, ta asiata ‘e sebeni nina deriegogona tabu ‘e bweuna; gea‘abo ‘e bweu guinua ‘edia si da guinua, tauna tuga tai iauna si da ‘e‘ai, tauna tuga wa da guinuei.

Si Apwesa 20:10

Ta asiata ‘e sebeni nina ‘i sabate Ieoba ‘imu Eaubada ‘enaia: ‘ena gea‘abo ‘e bweu guinua ‘u da guinua, ‘oio, nai natuio me‘olotona, nai natuio me wainena, ‘imu toguinua me‘olotona, nai ‘imu toguinua mewainena, nai ‘imu bulomakau, nai ‘imu to‘u‘umara ‘imu ‘asa gamwanaia ‘i miami:

Si Apwesa 30:10

Ta Aarona kunanao ‘edia ‘i da ginua‘ebweu ma‘ebweunamo iakwara ‘e bweuna ‘enega: ginua‘ebweu ‘ana loegesi ‘ana ‘ebwaeadaita raranega ma‘ebweuna iakwara ‘e bweuna ‘enaia ‘i da ginua‘ebweu manuna ‘imu epata‐tomota ‘edia: tauna ‘i tabu wawasae Ieoba ‘enaia.

Si Apwesa 31:14

Sabate wa da ‘ita‘i‘isi ta ‘enega; tauna ‘i tabu ‘emia: tauna ‘i gibesobesona si da loemwawasina: tauna guinua ‘e bweu ‘ena ‘i guinua, iaruiarua gote ‘ina tomota ‘ediega si da ‘upwa‐iaulena.

Si Apwesa 31:15

Asiata ‘e sikisi si da guinua; ta asiata ‘e sebeni nina tauna ‘eiawai‘ata mwau ‘ina sabate, tabu Ieoba ‘enaia: tauna iage ‘e bweuna ‘i guinuena asiata sabate ‘ena, tauna si da loemwawasina.

Isaia 58:13

‘Abo ‘aeio ‘u gisana‘ilena sabate ‘enega, ‘imu ‘ebeguausoara ‘ina guinua ‘enega ‘igu asiata tabu ‘enaia; ta sabate u ‘inana ‘aene ‘ebe‘uiawana, ta Ieoba ‘ina tabu ‘ebeamaiabe: ta ‘u da ‘amaiabena, nigea tauio ‘imu bubuna ‘u guinuedi, nai tauio ‘imu ‘ebeguausoara ‘u loba, nai ‘imu ona tauio ‘u oneonedi:

Isaia 58:3

To‘ase manuna ‘a edidigura, si gwae, ta nigea u ‘ita? To‘ase manuna iaruiaruama ‘a gie‘elo‘uiaei, ta ‘oio nigea ‘u mwaratoni? Wa ‘ita, ‘imi edidigura ‘ana asiata ‘enega ‘imi ‘ebeguausoara wa loba, ta ‘imi guinua iauiaudi wa didiga‘edi.

Isaia 58:5

Gote nadigega ‘edidigura nai ni‘atu ia ‘esinuena? asiata nina be ‘enega tai iaruiaruana ‘i da gie‘elo‘uiena? Tauna nai be debana ‘i da sanamwa‘utena sita ‘atua, ta ‘oama ‘oausa be karikau ‘i da neasi ‘ubuninaia? Gete ‘u da eesena nai ‘aene edidigura, ta asiata bobo‘ana Ieoba ‘enaia?

Loina 23:21

Ta wa da wanana tauna asiata nina ‘enega; bwauegogona tabu ‘i da apwesa ‘emia: guinua ‘ana mwau gea‘abo ‘e bweu wa da bubuna: tauna loina ataia ‘imi anua iauiauna ‘edia ‘imi epata‐tomota ‘edia.

Loina 23:3

‘Asiata ‘e sikisi guinua si da bubudi; ta asiata ‘e sebeni nina ‘enega tauna ‘eiawai‘ata mwaumwau, bwauegogona tabu; gea‘abo ‘e bweu iage wa da guiguinue: tauna sabate Ieoba ‘enaia ‘imi anua iauiauna ‘edia.

Loina 23:36

Asiata ‘e sebeni ‘ebwaeadaita si bubuna aweiega wa da ‘ebwaea Ieoba ‘enaia: asiata ‘e eta nina tauna ‘i da bwauegogona tabu ‘emia; ta ‘ebwaeadaita si bubuna aweiega wa da ‘ebwaea Ieoba ‘ena: tauna deriegogona mwaumwau; gea‘abo guinua mwauna ‘e bweu wa da iagena.

Loina 25:9

Ga ioguli ‘enana sinabwana ‘u da etune dadane nawarae ‘e sebeni nina ‘ana asiata ‘e teni nina; gienua‐‘ebweuna ‘ana asiata ‘enega ioguli wa da etune dadanei ‘imi ‘asa maibo‘ana ‘enaia.

Loina 3:17

‘I da loina ‘ataia ‘imi epata‐tomota ‘edia ‘imi anua iauiauna ‘edia, ‘aene gea‘abo iapa nai rara wa da ‘e‘ani.