Loina 11:44 - Buki Tabu Lowaenei 1919

⁴⁴ ‘Abo‘agu Ieoba ‘imi Eaubada ta ‘enega; ‘enega wa da ‘etabuiemi, be wa da ‘esasena; ‘abo‘agu ‘esasegu ta ‘enega: ta gea‘abo wa da giebaila‘emi iage lokawaridi bare‘uia si loniu ‘e bweuna ‘enega.

Loina 11:44 ပူးပေါင်းရင်းမြစ်များ

Salamo 99:5

Ieoba ‘ida Eaubada wa da gitu‘e, Ta ‘aena ‘ana ‘ebesa‘u ‘ena wa da bwagobwago: Tauna ‘i tabu.

Salamo 99:9

Ieoba ‘ida Eaubada wa da gitue‘iei, Ta ‘ina ‘oea tabu ‘ena wa da bwagobwago; Ieoba ‘ida Eaubada ‘i tabu ta ‘enega.

Si Apwesa 16:12

Iseraela tubunao ‘idi onaolilisana ni‘atu ia nonona: ‘u da ona ‘edia, ‘u da gwae, Asunuanuaia esio wa da ‘e‘ani, ta gonagonaia masurega wa da maa; ta wa da mwaratoni ‘Abo‘agu Ieoba ‘imi Eaubada.

Si Apwesa 19:10

Ta Ieoba ‘i ona Mose ‘enaia, Tomota ‘edia ‘u da tauia, ta batua ta gibua‘i ‘u da etabuiedi, ta ‘adi ‘oama si da ‘utui,

Si Apwesa 19:6

Ta wa da e‘ebeloina totariao ‘eguia, ta ‘asa tabu. Gete ona nidi ‘u da oneone Iseraela tubunao ‘edia.

Si Apwesa 20:2

‘Abo‘agu Ieoba ‘imu Eaubada, tauna ‘asa Aigupitoega i ‘au‘ewemu, ioniionidi ‘idi anuega.

Si Apwesa 22:30

Nadigega ‘u da guinua ‘imu bulomakau ‘edia, ta ‘imu sipiao; asiata ‘e sebeni masinana ‘i da miami; asiata ‘e etanina ‘eguia ‘u da ‘ebwaea‘ena.

Si Apwesa 22:31

Ta wa da e tai tabu ‘eguia: ta ‘enega gea‘abo esio ‘i sabusabuna bomitawa ‘ediega ‘enega ‘u da ‘e‘ai; wa da ‘ulena kedewa ‘edia.

Si Apwesa 23:25

Ta Ieoba ‘imi Eaubada ‘ena wa da guinua, ta ‘amu palaua, ta ‘amu boasi ‘i da giebobo‘anedi; ta le‘oasa gamwagamwanimuiega ia da ‘ewa‐iaulei.

Si Apwesa 6:7

ta ia da ‘au‘ewemi ‘eguia ‘igu tomota, ta ‘Abo‘agu Eaubada ‘emia; ta wa da mwaratoni ‘aene ‘abo‘agu Ieoba ‘imi Eaubada, tauna me Aigupito ‘idi ‘a‘ara ‘agaraunega i ‘au‘ewemi.

Isaia 43:3

‘Abo‘agu Ieoba ‘imu Eaubada, Iseraela ‘ina Tabu Tebweuna, ‘amu to‐‘eto‐seana; Aigupito ia ‘ebwaea ‘amu e‘isa, Aitiope ta Seba manuio.

Isaia 51:15

‘Abo‘agu Ieoba ‘imu Eaubada ta ‘enega, tauna ora ‘i ilia, be ‘enega lisuna si dududu: ‘Ana esana bodao ‘idi Ieoba.

Loina 10:3

Ga Mose ‘i ona Aarona ‘ena, Gete iage nina Ieoba ‘i ona, ‘i gwae, ‘Abo‘agu taudi si mai serabeguia ‘edia ia da ‘etabu, ta tomota iauiaudi matadia ia da ‘e esaesa. Ta Aarona i ‘ara‘enono.

Loina 11:43

Gea‘abo wa da giegadiluluiemi iage lokawarina ‘e bweuna ‘i kawakawara ‘enega, ta gea‘abo wa da nigea‐‘esasena ‘ediega, be ‘ediega wa da baila.

Loina 18:2

Iseraela tubunao ‘edia ‘u da ona, ta ‘edia ‘u da gwae, ‘Abo‘agu Ieoba ‘imu Eaubada.

Loina 19:10

Ta bagura oine gea‘abo ‘u da egogona egumwari, nai ‘imu bagura oine ‘i sagusagu ‘u da egogone; ta ‘u da pilisinedi gomabeso manuna ta to‘u‘umara manuna: ‘Abo‘agu Ieoba ‘imu Eaubada.

Loina 19:2

Iseraela tubunao ‘idi boda maibo‘ana ‘edia ‘u da ona, ta ‘edia ‘u da gwae, Wa da ‘esasemi: ‘Abo‘agu Ieoba ‘imi Eaubada ‘esasegu tai ‘enega.

Loina 19:3

‘Omi tai ‘e bweuna ‘e bweuna sinana, ta tamana ‘i da ‘amaiabedi, ta ‘igu sabateao wa da ‘ita‘i‘isi: ‘Abo‘agu Ieoba ‘imi Eaubada.

Loina 19:4

Iage besobeso gea‘abo ‘edia wa bunibuni, nai eaubada kainumu dogadogadi ‘emia wa da bubudi: ‘Abo‘agu Ieoba ‘imi Eaubada.

Loina 20:26

Ta wa da ‘esasena ‘eguia: ‘Abo‘agu Ieoba ‘esasegu ta ‘enega, ta tomotaiao ‘ediega ia sa‘u dumedumemi, be wa da ‘igu tomota.

Loina 20:7

Wa da etabumi ta ‘enega, ta wa da ‘esasemi: ‘Abo‘agu Ieoba ‘imi Eaubada ta ‘enega.

Loina 21:8

Ta ‘enega ‘u da gie‘esasena; ‘imu Eaubada ‘ana palaua i ‘ebwa‘ebwaeae ta ‘enega: ‘i da etabu ‘emuia: ‘Abo‘agu Ieoba, tauna ‘i gie‘esasemi, ia etabu ta ‘enega.