Loina 10:3 - Buki Tabu Lowaenei 1919

³ Ga Mose ‘i ona Aarona ‘ena, Gete iage nina Ieoba ‘i ona, ‘i gwae, ‘Abo‘agu taudi si mai serabeguia ‘edia ia da ‘etabu, ta tomota iauiaudi matadia ia da ‘e esaesa. Ta Aarona i ‘ara‘enono.

Loina 10:3 ပူးပေါင်းရင်းမြစ်များ

Nugana 18:25

Gete bubuna nina ‘emuiega ‘i da mia ‘edasora, ‘aene taudi ‘idi bubuna ‘i paruparu to to‘umalidi ma‘edi ‘u da unudi, be ‘enega taudi ‘idi bubuna ‘i paruparu si da nadigega to to‘umalidi; gote ‘emuiega ‘i da mia ‘edasora: bare‘u maibo‘ana ‘ana To Loina gea‘abo nai ‘i da guinua ‘ai‘aila?

Salamo 119:120

Esiogu ‘i dedera matausio manuna; Ta ‘imu etara manudi ia ‘atesa‘ara.

Salamo 148:14

Ta ‘ina tomota ‘idi ioguli niatu ‘i sa‘u tu‘eiena, ‘Ina to tapwaroro ‘esasedi iauiaudi ‘idi ebetuputupu: Tuga Iseraela natunao ‘idi tuputupu, tomota serabenaia. Ieoba wa da tupuna.

Salamo 39:10

‘Imu unua ‘eguiega ‘u da tauiena: Nimaio ‘ana unuega ia gumwara.

Salamo 39:9

Ia ‘ara‘enono, ‘awagu nigea ia ‘ebarina; ‘Oio ‘u guinuena ta ‘enega.

Salamo 46:10

Wa da mia oonua, ta wa da mwaratoni ‘abo‘agu Eaubada; Si da gitu‘eiegu ‘ebeloina gamwagamwanidia, Si da gitu‘eiegu bare‘u ‘enaia.

Salamo 89:7

Eaubada to didiga sana taudi iaruiaruadi ‘esasena ‘idi deriegogona ‘enaia, Ta iauiaudi si mia sakowasiena tauna ‘ana matauta sinabwana?

Salamo 93:5

‘Imu simanao to ‘ai‘aila sana: Tabu ‘imu anua ‘i sawesawenaia, Ieoba, ataia ta ataia.

Si Apwesa 14:17

Ta ‘Abo‘agu, ‘u ‘ita, me Aigupito ‘atedi ia da giepatu, ta si da rugu muridiega: ta ‘igu ‘amaiaba ia da ‘ewena Parao ‘enega, ta ‘ina boda maibo‘ana ‘enega, ‘ina wagalisilisi ‘ediega, ta ‘ina togeruoseao ‘ediega.

Si Apwesa 14:4

Ta Parao ‘atena ia da giewaiwai, ta ‘i da muriedima; ta ‘agu amaiaba ia da ‘ewa Parao ‘enega, ta ‘ina boda maibo‘ana ‘enega; ta me Aigupito si da mwaratoni ‘aene ‘Abo‘agu Ieoba. Ta si guinua nadigega.

Si Apwesa 19:22

Ta to‐tariao wate, taudi Ieoba ‘ena si mai serabena, si da tabuiedi taudimo, nai Ieoba ‘i rubwarena ‘edia.

Si Apwesa 19:24

Ta Ieoba ‘i eonena, ‘U da tauia, ‘u da mwa‘uta; ta ‘u da tu‘ema, ‘oio, ta Aarona ma‘ieaio: ta to‐tariao be tomota gea‘abo si da rubwarenama sabi tu‘ema Ieoba ‘enaia, nai ‘i da rubware ‘edia.

Si Apwesa 30:30

Ta Aarona ta natunao me‘olotodi ‘u da eorodi, ta ‘u da etabudi, be ‘enega ‘eguia si da guinua to taria ‘ina guinua ‘enaia.

Isaia 39:8

Ga Esekia ‘i ona Isaia ‘ena, Ieoba ‘ina ona ni‘atu ‘u onena ‘i bobo‘ana. Wate ‘i gwae, Guguia ta ona‘ai‘aila si da miami ‘igu asiatao.

Isaia 49:3

Ta ‘eguia ‘i gwae, ‘Oio ‘igu to‐guinua; Iseraela, ‘ena si da tupugu.

Isaia 52:11

Wa da tauiawa, wa da tauiawa, gote ‘enega wa da apwesawa, gea‘abo ‘e bweu iage baila wa da gitoo; gamwagamwaninega wa da tauiawa; wa da ‘esasena, ‘omi Ieoba ‘ina keigao wa ‘a‘aridi.

Loina 21:15

Ta natuna gea‘abo ‘i da gibesobeso ‘ina tomota ‘edia: ‘Abo‘agu Ieoba ia gie‘esasena ta ‘enega.

Loina 21:17

Aarona ‘ena ‘u da ona, ‘u da gwae, tubumuao ‘ediega ‘idi epata‐tomota ‘edia tauna oona ‘ina to‘umalina ‘e bweuna, gea‘abo ‘i da doro be ‘ina Eaubada ‘ana palaua ‘i da ‘ebwa‘ebwae.

Loina 21:21

Gea‘abo ‘e bweu tai to‐taria ‘Aarona tubunao ‘ediega, oona ‘ina to‘umalina ‘e bweuna, ‘i da mai serabenaia be Ieoba ‘ana ‘ebwaeadaita si bubuna aweiega ‘i da ‘ebwa‘ebwaeae: oona ma‘ina to‘umalina; gea‘abo ‘i da mai serabenaia be ‘ina Eaubada ‘ana palaua ‘i da ‘ebwa‘ebwae.

Loina 21:6

Si da etabudi ‘idi Eaubada ‘enaia, ta gea‘abo ‘idi Eaubada ‘ana esana si da gibesobeso; Ieoba ‘ana ‘ebwaeadaita si bubuna aweiega, ‘idi Eaubada ‘ana palaua, si ‘ebwa‘ebwaeae ta ‘enega: ta ‘enega si da etabudi.

Loina 21:8

Ta ‘enega ‘u da gie‘esasena; ‘imu Eaubada ‘ana palaua i ‘ebwa‘ebwaeae ta ‘enega: ‘i da etabu ‘emuia: ‘Abo‘agu Ieoba, tauna ‘i gie‘esasemi, ia etabu ta ‘enega.

Loina 22:9

‘Igu ba‘e si da ‘ita‘i‘isi ta ‘enega, ‘abona nai loegesi si da ‘a‘ari manuna, ta ‘ena si mwawasa, ‘abo si gibesobeso; ‘Abo‘agu Ieoba taugu ia gie‘esasedi.

Loina 8:35

Ta anua ‘ebeeloba ‘ana ‘awa ‘ena wa da miami asiata be boiboi ga asiata ‘e sebeni, ta Ieoba ‘ina ematarua wa da ‘ita‘i‘isi, be gea‘abo wa da mwawamwawasa: nadigega ‘i ona ‘eguia ta ‘enega.