Loina 1:4 - Buki Tabu Lowaenei 1919

⁴ Ta nimana ‘i da sa‘u ‘ebwaeadaita gabugabu debanaia; ta manuna si da ‘au‘ewena sabi gienua‘ebweuna manuna.

Loina 1:4 ပူးပေါင်းရင်းမြစ်များ

Si Apwesa 28:38

Ta Aarona debasawanaia ‘i da miami, ta Aarona iage tabu ‘idi to‘umalina ‘i da ‘a‘aridi, tauna Iseraela tubunao si da etabuna ‘idi ‘ebwaeadaita tabu iauiaudi ‘edia; ta debasawanaia ‘ena ‘i da miami tuta iauiauna, be ‘enega Ieoba matanaia nua‘ole‘ole si da loba.

Si Apwesa 29:10

Ta bulomakau ‘u da me‘ena anua egogona matanaia: ta Aarona ta natunao nimadi si da sa‘u bulomakau debana ‘enaia.

Si Apwesa 29:15

Wate sipi me‘olotona ‘e bweuna ‘u da ‘ewa; ta Aarona ta natunao nimadi si da sa‘u sipi me‘olotona debana ‘enaia.

Si Apwesa 29:19

Ta sipi me‘olotona ‘e ruena ‘u da ‘ewa; ta Aarona ta natunao nimadi si da sa‘u sipi me‘olotona debana ‘enaia.

Si Apwesa 29:33

Ta iage gotedi ‘ediega taria si bubuna si da ‘e‘ai, be si sa‘udumedumedi ta si etabudi: ta to‘u‘umara gea‘abo ‘enega ‘i da ‘e‘ai, si tabu ta ‘enega.

Isaia 56:7

Tuga taudi ia da ‘au‘ewedima ‘igu ‘oea tabu ‘enaia, ta ‘igu anua ‘ebesidasida ‘ena ‘adi guausoara ia da sa‘u; ‘idi ‘ebwaeadaita‐gabugabudi ta ‘idi tariao ia da nuanuana ‘igu ‘ebetaria ‘enaia: ‘igu anua si da eesena sidasida ‘ina anua tomota iauiaudi manudi ta ‘enega.

Loina 16:21

Ta Aarona nimanao ‘e rua ‘i da sa‘u gota bobo‘ana debanaia, ta ‘etanaia Iseraela tubunao ‘idi bubuna bokobokona iauiauna ‘i da ‘e simane, ta ‘idi li‘oa‐loina iauiauna, tugama ‘idi loegesi iauiauna; ta gota debanaia ‘i da sa‘udi, ta ‘i da etunenawa tai wa ‘aseiena nimanega mitawaia:

Loina 16:24

Ta esena tabu ‘ena esiona ‘i da e‘esiwe boasi ‘ena, ta ‘ana ‘oama ‘i da e‘otedi, ta ‘i da apwesama, tauna ‘ina ‘ebwaeadaita gabugabu ta tomota ‘idi ‘ebwaeadaita gabugabu ‘i da ‘ebwaeae, ta ‘i da gienua‘ebweu tauna manuna ta tomota manudi.

Loina 22:21

Ta tauna ‘ebwaeadaita guguia ‘ana taria i ‘ebwaea Ieoba ‘ena be ona‘upa‘upa ‘i loegumwarina, nai ‘ebwaeadaita manuna, bulomakau ‘ana iau ‘enega nai sipi ‘ana iau ‘enega, ‘i da bobo‘ai‘ailina be ‘enega ‘i da nuanuana; nigea ‘e bweu to‘umalinamo ‘enaia.

Loina 22:27

‘Ena bulomakau, nai sipi, nai gota, ‘i tubua, ga asiata ‘e sebeni sinana ‘ena ‘i da miami; ta asiata ‘e eta nina ga muriega ‘i da bobo‘ana ‘ebwaeadaita aweiega ‘ana ‘ebwaea manuna Ieoba ‘enaia.

Loina 3:13

Ta nimana ‘i da sa‘u debanaia, ta ‘i da ununa anua‐‘ebeeloba matanaia: ta Aarona natunao rarana si da loseuseula dadane ‘ebetaria ‘enaia.

Loina 3:2

Ta nimana ‘i da sa‘u ‘ina ‘ebwaeadaita debanaia, ta anua‐‘ebeeloba ‘ana ‘awa ‘ena ‘i da loemwawasina: ta Aarona natunao to taria rarana si da loseuseula dadanena ‘ebetaria ‘enaia.

Loina 3:8

Ta nimana ‘i da sa‘u ‘ina ‘ebwaeadaita debanaia, ta ‘i da ununa anua‐‘ebeeloba matanaia; ta Aarona natunao rarana si da loseuseula dadana ‘ebetaria ‘enaia.

Loina 4:15

Ta deriegogona ‘ana ‘inapwanao nimadi si da sa‘u bulomakau debanaia Ieoba matanaia: ta bulomakau si da ununa Ieoba matanaia.

Loina 4:20

Gote nadigega ‘i da guinua bulomakau ‘enaia; na‘ieana ‘i guinua loegesi ‘ana ‘ebwaeadaita ‘ina bulomakau manuna, na‘ieana gete ‘ena ‘i da guinua: ta to‐taria ‘i da gienua‘ebweu manudi, ta Ieoba nuana ‘i da bobo‘ana ‘edia.

Loina 4:24

Ta nimana ‘i da sa‘u gota debanaia, ta ‘i da ununa esena nina ‘enega ‘ebwaeadaita gabugabu si unuunu Ieoba matanaia: tauna loegesi ‘ana ‘ebwaeadaita.

Loina 4:26

Ta iapana maibo‘ana ‘i da gabu ‘ebetaria ‘enaia, na‘ieana ‘ebwaeadaita guguia ‘adi taria iapana: ta to‐taria ‘i da gienua‘ebweu manuna na‘ieana ‘ina loegesi manuna, ta Ieoba nuana ‘i da bobo‘ana ‘enaia.

Loina 4:29

Ta nimana ‘i da sa‘u loegesi ‘ana ‘ebwaeadaita debanaia, ta loegesi ‘ana ‘ebwaeadaita ‘i da ununa ‘ebwaeadaita gabugabu ‘ana esena ‘enaia.

Loina 4:31

Ta iapana maibo‘ana ‘i da ‘ewa iaulei, na‘ieana iapa si ‘ewena ‘ebwaeadaita guguia ‘adi taria ‘enega; ta to‐taria ‘i da gabuna ‘ebetaria ‘enaia maina dibidibi Ieoba ‘enaia manuna; ta to‐taria ‘i da gienua‘ebweu manuna, ta Ieoba nuana ‘i da bobo‘ana ‘enaia.

Loina 4:33

Ta nimana ‘i da sa‘u loegesi ‘ana ‘ebwaeadaita debanaia, ta ‘i da ununa loegesi ‘ana ‘ebwaeadaita manuna esena ‘enega ‘ebwaeadaita gabugabu si ununa.

Loina 4:35

Ta iapana maibo‘ana ‘i da ‘ewa iaulei, na‘ieana lami iapana si ‘ewena ‘ebwaeadaita guguia ‘adi taria ‘enega; ta to‐taria ‘ebetaria ‘ena ‘i da gabudi, Ieoba ‘ana ‘ebwaeadaita ‘aweiega ‘edia: ta to‐taria manuna ‘i da gienua‘ebweu ‘ina loegesi ni‘atu ‘i loeloegesiena manuna, ta Ieoba nuana ‘i da bobo‘ana ‘enaia.

Loina 4:4

Ta bulomakau nina ‘i da me‘ena anua ‘ebeeloba ‘ana ‘awa ‘enaia Ieoba matanaia; ta nimana ‘i da sa‘u bulomakau debanaia, ta bulomakau ‘i da loemwawasina Ieoba matanaia.

Loina 5:6

Ta ‘ina to‘umalina ‘ana ‘ebwaeadaita ‘i da me‘ena Ieoba ‘enaia ‘ina loegesi ‘enega ‘i loeloegesi manuna, mewainena iau ‘enega, nai lami nai gota, loegesi ‘ana ‘ebwaeadaita manuna; ta to‐taria ‘i da gienua‘ebweu manuna ‘ina loegesi leleana.

Loina 6:7

Ta to‐taria ‘i da gienua‘ebweu manuna Ieoba matanaia, ta ‘ina to‘umalina ‘i da kweuna; to‘ase nai ‘i guinua ga ‘enega ‘i to‘umalina leleana.

Loina 8:14

Ta loegesi ‘ana ‘ebwaeadaita bulomakauna ‘i me‘ena: ta Aarona ta natunao nimadi si sa‘udi loegesi ‘ana ‘ebwaeadaita bulomakauna debanaia.

Loina 8:18

Ta ‘ebwaeadaita gabugabu sipina me‘olotona i ‘ebwaena: ta Aarona ta natunao nimadi si sa‘udi sipi me‘olotona debanaia.

Loina 8:22

Ta sipi me‘olotona ‘e ruena i ‘ebwaea‘ena, tagwara‐‘ai‘aila sipina me‘olotona: ta Aarona ta natunao nimadi si sa‘udi sipi me‘olotona nina debanaia.

Loina 9:7

Ta Mose ‘i ona Aarona ‘enaia, ‘Ebetaria ‘ena wa doroma, ta ‘imu loegesi ‘ana ‘ebwaeadaita ‘u da ‘ebwaea, ta ‘imu ‘ebwaeadaita gabugabu, ta manuio ‘u da gienua‘ebweu, ta tomota manudi; ta tomota ‘idi ‘ebwaeadaita ‘u da ‘ebwaeae, ta manudi ‘u da gienua‘ebweu; na‘ieana Ieoba ‘i ona.