Isaia 9:17 - Buki Tabu Lowaenei 1919

¹⁷ Ta ‘enega ‘Inapwana gea‘abo ‘i da guausoara ‘idi tubuau manudi, nai ‘i da ‘atenua‘ole‘ole ‘idi pesiedao ta ‘idi kwaburao ‘edia; iauiaudi ‘e bweuna ‘e bweuna ‘i ona besobeso ta ‘i to‘umali ‘ina to‐guinua, ta ‘awa iauiauna si ona euwauwa. Ga iage maibo‘ana gete ‘i apwesa ta ‘ina gamwasoara nigea i ‘ilawa, ta nimana ‘i iasitoto ‘ataena.

Isaia 9:17 ပူးပေါင်းရင်းမြစ်များ

Salamo 109:12

Gea‘abo ‘e bweu ‘i da nua‘ole‘ole ‘ataia ‘enaia: Ta gea‘abo ‘e bweu natunao tamatamagenidi ‘i da ‘ate‘atenua‘ole‘oleiedi.

Salamo 147:10

Ose ‘ina pa‘ara nigea manuna ‘i guauguausoara: Tai ‘aena nigea manudi ‘i uiawana.

Isaia 1:4

Ie ‘asa ma‘imi to‘umalina, tomota ‘imi ‘a‘ara bubuna bokobokona, to‐guinua to‘umalina tubudi, gogama to bubu geiogeioi: ni‘atu Ieoba si e‘idi‘idiena, Iseraela ‘ina Tabu Tebweuna ni‘atu si sinarina, si mia dumaduma ta si ‘ilawa.

Isaia 10:2

‘Aene nanaewadi si da ‘iledi etara ‘enega, ta ‘aene ‘igu tomota ‘idi gomabeso ‘idi iage paruparu si da ‘ewa iaulei, be ‘enega kwaburao ‘idi ‘ebe‘oae, ta pesiedao si da bubudi be ‘idi ‘ebegiiaina.

Isaia 10:4

Si da ‘opu‘opumo ioniionidi ‘agaraudia, ta si da be‘u to esilae ‘ubunidia. Ga iage maibo‘ana gete ‘i da apwesa ta ‘ina gamwasoara nigea i ‘ilawa, ta nimana ‘i iasitoto ‘ataena.

Isaia 10:6

‘Ebeloina ona besobeso ‘ena ia da etunena, ta ‘igu gamwasoara ‘ina tomota manudi ia da ba‘ena, be gwegwe ‘i da ‘ewa, ta ‘ebe‘oae ‘i da ‘ewa, ta ‘i da ‘aiaidi ‘edaiao sepwaridi ‘atua.

Isaia 13:18

Ta ‘adi tupuiao si da eula lelewanedi; ta gamwa uana gea‘abo si da ‘ate‘atenua‘ole‘oleiena; matadi gea‘abo gogama si da lobobo‘anedi.

Isaia 14:20

Gea‘abo ‘u miami ma‘edi sa‘u ‘ari‘ari‘ena, ‘imu ‘asa ‘u giesaoorina ta ‘enega, ‘imu tomota ‘u loemwawasidi; toguinua‐to‘umalina tubudiao gea‘abo si da ‘inana ga tuta ‘ataia.

Isaia 24:5

Bare‘u wate ‘i baila ‘ana tomi ‘ubunidia: loina si li‘oedi ta ‘enega, loina tomwana si gibunina, ona‐‘upa‘upa mia‘ataia si li‘oena.

Isaia 27:11

Ni‘atu narinao si ‘oaperu, ga si da elasa iaulei; ‘ena si da mai ta si da loe‘abia: taudi tomota nigea ‘e bweu ‘idi mwaratoni ta ‘enega; ta ‘enega tauna ‘i mweruruidi gea‘abo ‘i da ‘atenua‘ole‘oleiedi, ta tauna ‘i bubudi gea‘abo ‘i da obobomedi.

Isaia 3:8

Ierusalema ‘i saoora ta ‘enega, ta Iuda ‘i be‘u: meiadi ta ‘idi bubuna si tooro Ieoba matanaia ta ‘enega, be ‘ina esaesa matana si da gieiabadi.

Isaia 31:2

Ta tauna wate ‘i sinasinapu, ta to‘umalina ‘i da me‘ei, ta ‘ina ona gea‘abo ‘i da ‘ewalimedi: ta ‘i da tooro toumalina ‘ina toguinuao ‘idi anua ‘enaia, ta taudi bubuna bokobokona si guinua ‘idi leme ‘enaia.

Isaia 31:3

Ta gete me Aigupito tai tugai, ta nigea Eaubada; ta ‘idi ose esio, ta nigea iaruiarua: ta ni‘atu eoba nimana ‘i da iasitoto, ga ruarua tauna ‘i leme ‘i da setupe, ta tauna ‘i lemena ‘i da be‘u, ta iauiaudi si da neneta rererea.

Isaia 33:11

Sumwana wa da ‘euwana, ta witi arena wa da ‘au‘ewedima: iawasimi ‘awe sabelulu ‘i da ‘enimi.

Isaia 33:12

Ta tomota si da ‘atua iaguma ‘ana gabu: ‘atua kwakwakwara si tara mwa‘uta, taudi si ‘arasidi ‘awe sabelulu ‘enaia.

Isaia 40:30

Tubuau tuga oodi ‘i da taba ta si da lo‘ame‘ame, ta tai tubulagalaga si da be‘u ‘ai‘aila:

Isaia 5:24

Ta ‘enega na‘ieana awe meiana sumwana ‘i e‘egumwarina, ta na‘ieana nedu iadaiadana ‘i mwa‘uta awe sabelulu ‘ena, na‘ieana ramudi ‘i da bila ‘atua, ta senidi ‘i da tu‘e kau ‘atua: bodao ‘idi Ieoba ‘ina loina si e‘idi‘idiena ta ‘enega, ta Iseraela ‘ina Tabu Tebweuna ‘ina ona si sinarina.

Isaia 5:25

Ta ‘enega Ieoba ‘ina gamwasoara i ‘ara‘arata ‘ina tomota ‘edia, ta ni‘atu nimana ‘i gilagasina ‘edia, ta ‘i unudi, ta ‘oea gidaridi si dedera, ta ‘idi kokoao si esumwana ‘atua ‘eda gamwagamwanidia. Iage maibo‘ana gete manuna ‘ina gamwasoara nigea ‘i sana‘ilawa, ta nimana ‘i iasitoto ‘ataena.

Isaia 62:5

Na‘ieana tubuau gomagweine ‘i aina ta ‘enega, nadigega natumuao me‘olotodi si da ai ma‘ieaio: ta na‘ieana toai me‘olotona mwanena manuna ‘i guausoara, nadigega ‘imu Eaubada ‘i da guausoara manuio.

Isaia 65:19

Ta Ierusalemega ia da guausoara, ta ‘igu tomota ‘ediega ia da ‘uiawana: ta dedoi ‘enana gea‘abo wate ‘ena si da nono, nai bwau ‘enana.

Isaia 9:12

Me Siria nuganaia, ta me Pilisitia murinaia; ta Iseraela si da ‘enina ‘awa ‘eebarinega. Ga iage maibo‘ana gete ‘i apwesa ta ‘ina gamwasoara nigea i ‘ilawa, ta nimana ‘i iasitoto ‘ataena.

Isaia 9:21

Manase, Eparaima; ta Eparaima, Manase: ta siterua ruarua Iuda si da guitoasena. Ga iage maibo‘ana gete ‘i da apwesa ta ‘ina gamwasoara nigea i ‘ilawa, ta nimana ‘i iasitoto ‘ataena.